Tuxophilia

Tuxophilia goes furl

2008-08-22T15:05:00.000+02:00

A leschter Zäit woar et op dëser Plaz nawell zimlech roueg, an ech weess och net ob dat sech soubal rem ännere wäert. Well ech awer trotzdem geleegentlech deen een oder aner Artikel séier an onkomplizéiert verlinke wéilt probéiren ech elo mol e social bookmarking site, de furl.net.

Op furl.net/members/tuxophil ass dann och elo mol en éischten Artikel verlinkt. Et geet ëm ee vu ménge Lieblingssujeten: wéi eis Gesellschaft lues awer sécher an en Iwwerwaachungsstaat iwwergeet. E Paradebeispill dofir ass d’Auswertung vun de Bewegungs- a Kommunikatiounsprofiler vun eisem léifste Spillgezei, dem Handy.

The remaining groups ranged in size from two to 142 subscribers. Members of these groups only ever called each other – clear evidence of antisocial behaviour – and, in one extreme case, a group was identified in which all the subscribers only ever called a single number at the centre of the web. This section of the ThorpeGlen presentation ended with one word: ‘WHY??’

SSH-Abrochsversich

2008-04-19T23:29:00.001+02:00

Wéi vill aner Leit och hunn ech op mengem PC bestänneg den sshd lafen fir mech op Distanz kënnen anzeloggen (sief et am LAN oder iwwert den Internet). Dass dat net ganz ongeféierlech weist e klenge Bléck an d’Logfiles. Iwwert déi lescht 366 Deeg hunn ech exakt 2739 fehlgeschloe Loginversich ze verbuchen. Do ass et definitiv net vu Muttwëll anstänneg Passwierder ze benotzen…

Als zousätzlech Sécherheet limitéiren ech och nach d’Verbindungen zum SSH-Port an der Firewall op 6 Versich d’Minutt (och wann ech domat theoretesch eng Denial-of-Service-Attack riskéiren):


iptables -A FROM_INTERNET -p tcp --dport ssh   \
         -m state --state NEW                  \
         -m limit --limit 6/m --limit-burst 10 \
         -j ACCEPT

A wann ech schonn eng Kéier dobäi woar d’SSH-Logs e bëssen auszewerten, hunn ech och direkt déi heefegst invalid usernames aus de leschte Joren erausgefiltert (sortéiert no ofsteigender Frequenz):


    183 admin
     71 guest
     70 oracle
     59 webadmin
     55 webmaster
     45 sales
     44 tomcat
     42 staff
     41 recruit
     40 spam
     40 office
     36 virus
     35 michael
     25 library
     25 info
     21 user
     21 linux
     20 shell
     19 unix
     17 ftpuser
     16 fluffy
     15 william
     15 trash
     15 stud
     15 gt05
     15 aaron
     14 stephanie
     14 gary
     13 t1na
     13 mailtest
     13 alessandra
     11 master
     11 a
     10 alex

Dee Listing ass iwwregens den Output vun dësem klenge One-Liner:


grep "ssh.*Invalid user" /var/log/auth.log | awk '{print $8}' | sort | uniq -c | sort -n | tac

Spaghetti-Récolte virun 51 Joer

2008-04-01T18:10:00.001+02:00

Lëschteg.

Mol rem eng Kéier England

2008-03-18T00:00:00.000+01:00

Ech komme geschwënn net méi no. Dofir just e liddrege copy&paste:

Primary school children should be eligible for the DNA database if they exhibit behaviour indicating they may become criminals in later life, according to Britain's most senior police forensics expert.

E liesenswerten Artikel. (via /.)

Pendleriwwerwaachung

2008-03-16T10:00:00.000+01:00

17 Millionen Briten pendeln mit Funkchip-Fahrkarten zur Arbeit. In den Zentralrechnern der Verkehrsbetriebe sammeln sich so perfekte Bewegungsprofile an - diese Datenbanken will der Geheimdienst MI5 nun nach Terroristen durchforsten. Link.

Just dat mat de perfekte Bewegungsprofiler halen ech fir iwwerdriwwen: dofir gëtt et Handyen…

Gesellschaftsfeindlech Plakater an England

2008-03-05T15:38:00.001+01:00

Wann ech der neister englescher ~~Anti~~Terrorkampagne gleewen däerf, schéngen ech während menger Studienzäit nieweberufflech Terrorist gespillt ze hunn. Nice.

Update: flott „Remixer“

Jiddereen ass Organspender

2008-02-25T14:20:00.002+01:00

Wat eng Heuchelei! Wéi ech grad um Radio héiren hunn gëtt alt mol rem gejéimert a geklot dass et net genuch Organspender ginn an dass dofir eng grouss Informatiouns- a Sensibilisatiounscampagne lancéiert gëtt. Wat bei der Berichterstattung (zumindest um Radio) awer systematesch „vergiess“ gëtt ass ze erwähnen dass dee Problem säit 25 (!) Joer geléist ass!

Hei e pur Extraiten aus der Loi du 25 novembre 1982 réglant le prélèvement de substances d’origine humaine :

Art. 6. Des prélèvements peuvent être effectués à des fins thérapeutiques ou scientifiques sur le cadavre d’une personne n’ayant pas de son vivant fait connaître par écrit son refus à un tel prélèvement.

Richteg, souguer fir wëssenschaftlech Recherche ass a priori keng Erlaabnis néideg:

Art. 1. La présente loi s’applique à tout prélèvement de substances d’origine humaine effectué à des fins de thérapeutique et de diagnostic au profit de personnes autres que le donneur, et à des fins de recherche.

Dat Ganzt betrëfft dann all Verstuerwenen deen net en « incapable mineur ou majeur » woar a bei deem een dovun ausgoe kann dass e säi leschte Wunnsëtz am Grand-Duché hat.

An um Radio schwätzen se nach alleguer (Journalisten, Dokteren, Famill vu Verstuerwener) vun „Erlaabnis froe bei der Famill“. A mengen Aan ass dat d’Leit fir domm verkaf. Dat Gesetz ass jo deemols bestëmmt och net liichtfankeg gestëmmt ginn. Soulues kéint ee sech jo iwwerleeën d’Gesetz einfach mol unzewenden.

Update: Ween nohëllefe wëll ka sech op www.dondorganes.public.lu säi Spenderausweis bestellen. (« Passeport de vie » an « La vie continue » hätten se sech awer kéinte spueren.)

P.S.

Art. 10. Lors de chaque délivrance […] d’une carte d’identité […], l’agent remet en même temps au titulaire de cette pièce une formule de déclaration à deux options que l’intéressé peut remplir et signer s’il entend exprimer qu’il est ou qu’il n’est pas donneur d’organes après sa mort.
Art. 18. Sans préjudice des peines plus fortes édictées par d’autres lois, les infractions à la présente loi et à ses règlements d’exécution sont punies d’un emprisonnement de huit jours à trois ans et d’une amende de 2.501 à 200.000 francs, ou d’une de ces peines seulement.

Kann ech elo dee Gemengebeamte verklape goen dee mer meng Carte d’identité ausgehännegt huet ouni sou eng formule de déclaration bäizeleeën? ;-)

Succé oder succée?

2008-02-17T21:07:00.000+01:00

*schudder*
(Quell: rtl.lu, wat soss)

PISA 2006

2007-12-02T17:53:00.000+01:00

Et ass jo schon sou zimlech iwwerall gemellt ginn dass eis Schüler alt erem schlecht bei PISA ofgeschnidden hunn. E bëssen iwwerrascht sinn ech awer wéi wéineg déi Étude bis elo kritiséiert gouf. (Dat kënnt dann hoffentlech no der offizieller Publikatioun vun de Resultater.)

D’Ëmweltfroen (Quell) sinn nämlech äusserst opschlussräich: wéi soll e Cinquièmes-Schüler déi Froe beäntwere kënne wann en am Regelfall nach keng eng Sekonn Physique oder Chimie hat?

Vernetzte Geiger-Zähler

2007-11-03T23:10:00.000+01:00

Et geet ëm Handyen. Dach, éierlech.

So entwickelt die US-Heimatschutzbehörde ein System, mit dem radioaktive oder chemische Gefahren frühzeitig und in Echtzeit erkannt werden können, wenn Handys massenhaft mit entsprechenden Sensoren ausgestattet würden. (Quell)

Eigentlech misst ech eng extra Rubrik iwwer d’Amerikaner an hir kollektiv Paranoia man. Da géif et all Dag eppes ze laachen. Oder ze kräischen.

Randnotiz: Déi liicht subversiv Illustratioun am Artikel gefällt mer nawell. Ech froe mech heiansdo ob d’Politiker – fir se mol all an een Dëppen ze geheien – sech eigentlech bewosst sinn wat hir Totaliwwerwaachung u Konsequenze fir d’Gesellschaft huet.

The War on the Unexpected

2007-11-01T12:37:00.000+01:00

Du gesäiss eppes Äussergewéinleches? Dat mussen Terroriste sinn!!

liesenwerten Artikel.

Gutt dass mer hei scheinbar nach net grad sou verréckt sinn.

Xenophobie an der Schwäiz

2007-10-16T20:00:00.000+02:00

Wéi wann hir Plakatcampagne net schonn bedenklech genuch wir, huet d’SVP deem ganzen nach een drop gesat: Zottel rettet die Schweiz.

D’SVP ass iwwregens déi aktuell stärkste Partei an der Schwäiz. Majo dann.

brave new police state

2007-10-01T16:50:00.000+02:00

Eng gewëss Portioun Online-Iwwerwaachung ass jo — mat e bësse Gegrommels — ze akzeptéiren. (Soulaang et net a Richtung vum Schäuble senge Wahnvirstellunge geet.) E gutt Beispill fir d’Geforen déi och lo scho vun eiser aktueller Iwwerwaachungsgesellschaft ausginn liwwert ausgerechent dat däitscht BKA:

Ein Jahr nach dem Anschlag bekam Grewe [deen näicht domat ze dinn hat, ganz am Géigendeel] Besuch von zwei Polizeibeamten, die ihn zwei Stunden lang befragten. Erst im Verlauf des Gesprächs erfuhr Grewe, wie die Polizisten auf ihn gestoßen waren. „Sie erklärten mir, ich sei auffällig oft auf den Seiten der Polizei gesurft“, erklärt Grewe. (Quell)

Wann elo schonn d’Policesäiten als verdächteg gëllen, da soll mol ee mer eng Säit nennen déi een nach besichen däerf ouni dass ee sech automatesch verdächteg mécht.

Wann ech drun denke wéi onbekëmmert ech nach viru Joren alles am WWW nogesicht hu wat mer grad duerch de Kapp gaangen ass schudderen ech mech haut.

Update: D’Späichere vun Date vun de Surfer ass an Däitschland iwregens illegal, mee därs woar sech de BKA, wéi et schéngt, net bewosst. =)

Eye Tattooing

2007-09-15T19:30:00.000+02:00

Jo, genee dat. Autsch.

Update: Ech hu jo scho vill Sch*** um Internet gesinn, mee d’Modblog topt villes. Wow. An och nach 16 Säiten därs.

DAT MUSS VERBUEDE GINN!!!!! ;-)

E Luefgesang op Standarden

2007-09-15T00:02:00.000+02:00

Bei dëser Meldung kann ech mer et net verknäife mäi Samsung YP-U2R ¹ Muséksplayer ze luewen: et ass am Fong geholl en normalen USB-Stick deen och Musék ofspille kann, sougur där am — tada — Ogg Vorbis Format.

Mee et gi wuel nach ëmmer Leit déi net bekäppen dass Apple a puncto Lock-In opmannst grad sou schlëmm ass wéi Microsoft.

An dobäi wier et dach sou einfach: USB Mass Storage ass an sou zimlech all Betriebssystem integréiert an ass schonn dausendfach an aneren USB-Geräter implementéiert.

¹En huet allerdings keng 79€ méi kascht, mee just nach ~25€.

Franséisch schreiwen

2007-09-13T22:52:00.001+02:00

… geet dach direkt vill besser vun Hand wann een deen een oder aner gudden Dictionnaire bei Hand huet. Nieft de Klassiker op Pabeier (oder CD) ginn et haut awer och eng Rei interessant Wierker um WWW. Ech hu mol déi pur (a méngen Aan) interessantst erausgepléckt:

Fir unzefänken fënnt een um Site vum CNRTL ganz praktesch Synonyms- an Antonymsdictionnairen. Manner praktesch, mee dofir ëm sou méi amüsant ass d’3d-Visualisatioun vu Proximitéitsgraphen:

Op der selweschter Plaz fënnt een och d’online-Versioun vun engem Dictionnaire dee séngem Numm all Éier mécht: den Trésor de la Langue Française. Weem dat alles ze neimoudesch ass, fënnt am Littré säi Gléck. Do kritt een dann och e pur Kuriositéiten vun deemols präsentéiert.

Wee sech a sénger Alldagskorrespondenz net ëmmer sëcher fillt deem hëlleft de Guide de rédaction, deen eis Regierung sou fein woar an Opdrag ze ginn, bestëmmt weider. Do fënnt een nieft Orthographe, Grammaire an Typographie och vill Ausdréck a Rotschléi fir (administrativ) Bréiwer an aner Schrëftstécker proper op d’Blat ze bréngen.

An zum Schluss nach e klenge Fernsehtipp: Merci, Professeur !
(Merci un d’bà2b™ fir den Tip.)

(Sou, déi Bookmarks gi mer dann och net méi verluer! =))

Pechert 2.0

2007-09-12T16:11:00.000+02:00

Lo wësse mer endlech firwat an all gréissere Stied Wifi-Netzer ageriicht ginn:

Westminster City Council is busy installing networked security cameras that can recognize parking permits and the plates of offending vehicles.
“Parking enforcement is the killer application that everyone is looking for”
(Quell, via engadget)

Dat do halen ech allerdings mol eng Kéier fir eng gutt Iddi. Méi kloer kann een de Leit jo kaum weise wou den Iwwerwaachungswahnsinn hiféiert.

Et sprengt mer allerdéngs de Verstand dass scheinbar dat eenzegt wat d’Englänner op d’Barrikade klamme léist d’Iddi vun enger obligatorescher carte d’identité ass.
Dobäi mangelt et dach net un Alternativen.

Eng grandios Iddi...

2007-09-12T15:56:00.000+02:00

[…] use technology to prevent people from using or searching dangerous words like bomb, kill, genocide or terrorism (Quell)

Ok, ech hunn en (hoffentlech) vereinfacht oder aus dem Kontext gerapptent Zitat nach e bësse méi aus dem Kontext gerappt, mee verschiddene Politiker hir Iddien halen ni op mech, je no Laun, ze amüséiren oder ze schockéiren.

Ech froe mech wéivill Génociden sou ugefaangen hunn? Opmannst d’Türkei dierft et freeë wann dat Wiertche keng Sichresultater méi bréngt &hellip

faule Marketing

2007-09-12T15:03:00.000+02:00

[Jo, ech weess, a leschter Zäit woar et zimlech roueg hei, an ech kann och net verspriechen dass dat sech an nächster Zäit ännere wäert.]

Passend zum Start vu CableTV fir Diddeleng, hat ech haut e Flyer an der Boîte. Sou ganz duerchsichteg woar déi Offer allerdings net:
20€ de Mount (resp. 60€ fir en 16Mbit/s) fir onlimitéierten Internet? Kléngt gutt, a genee dee Präis gëtt och am Wort vun haut zitéiert. E pur Zeilen driwwer stinn allerdings d’Détailer zu der Remarque « avec Contrat de Téléphonie »:
An anere Wierder: si hu guer keng Offer fir 20€. Entweder ass et ouni Telefon an et kascht 22€ oder et ass mat Telefon an et kascht 24€. Beim Top ass et nach méi lëschteg. Ouni Telefon 70€, mat Telefon 64€. Wann ech mat méngen aktuellen Aboe vergläichen ass hire Service finanziell zimlech interessant, mee op déi do Zort Marketing sinn ech leider allergesch. An et geet an deemselweschte Stil weider: si bidden engem de „Choix“ tëscht zwou Méiglechkeeten ze bezuelen. Dass per Rechnung bezuelen mat enger Taxe vun 1,25€ verbonnen ass stéiert mech schonn e bëssen, nach méi awer dass och d’Réductioun vun ~80€ (12 Méint) oder ~130€ (24 Méint) bei der Installatioun un d’Awëllegung zu enger Domiciliatioun gekoppelt ass. Et gëtt also rem eng Optioun suggéréiert déi et awer de facto net gëtt.
D’Fro déi de Flyer dann definitiv net beäntwert ass firwat ech Geschäfter mat enger Firma maache soll déi mech offensichtlech fir domm verkafe wëll.

Self-referential Aptitude Test

2007-07-25T23:40:00.000+02:00

Vill Spaass!

Och Brenner hunn eng Seriennummer...

2007-07-20T14:12:00.000+02:00

Dass Foarflaser (och aner Printer?) sech op all Blat veréiwegen ass gewosst. Haut sinn ech da gewuer ginn dass CD/DVD-Brenner dat och man.
(Randnotiz: Wéi domm muss ee sinn den Harry Potter ze fotograféiren an d’EXIF-Daten net ze läschen?)

¡Hasta la vista, Windows!

2007-07-19T13:55:00.000+02:00

Wat e Schrott.

Sou, nom Résumé hei déi méi laang Versioun… Meng Elteren hu sech e Laptop zougeluecht: e Lenovo 3000 C200 (TZ0AZGE) (515€ bei Cyberport). Et kléngt zwar no Bëlleg-Laptop, mee trotzdem huet en alles wat ee brauch. Wat d’Lenovo-Gamme sou interessant mécht ass hir gutt Linux-Kompatibilitéit. Ech hu mëttlererweil op zwou ähnleche Lenovo-Maschinnen zimlech positiv Erfahrunge gemaach sou dass d’Fro no der Mark sech eigentlech net méi gestallt huet. Eenzegen Hoken: et gëtt net de Windows XP matgeliwwert, mee de Vista. Sou schlëmm wéi een et iwwerall liest wäert et jo dann awer net sinn duecht ech mer. Ma ee Gléck dass d’Maschinn vu vireran dofir geduecht woar ënner Linux benotzt ze ginn!

Seelen hat ech et mat enger Maschinn ze dinn déi sou elendeg lues woar dass se carrément onbenotzbar woar. Konstant Hard-Disk-Aktivitéit (swapping huelen ech un), no all Klick ca. 30 Sekonnen Denkpaus (deelweis sougur e pur Minutten!) No e pur Stonnen hunn ech d’Iddi de Vista zumindest grondlegend ze konfiguréiren (Firefox, OpenOffice.org, Antivirus, Firewall etc. installéiren) missen opginn well et einfach net viru gaangen ass.

Ir ech un d’Partitiounen an den MBR fréckle gaange sinn wollt ech awer eng Sécherungskopie man (och wann ech mech dee Moment gefrot hu firwat ech de Vista iwwerhaapt wéilt sécheren). Dass keng Recovery-CD/DVD bäilouch ass hautdesdags jo schon normal, dass et awer net mol méi eng Méiglechkeet gëtt (et sief dann ech hätt et iwwersinn) sech déi selwer ze brennen wéi et bei deenen zwee anere Lenovoen nach de Fall woar fannen ech e stoarkt Stéck. Ech hunn also vun der Kubuntu-Live CD geboot an einfach e gezipptenen Hard Disk Image gezunn (an direkt per netcat op mäi PC iwwerspillt). De Kubuntu ass iwwregens méi séier vun CD gelaf wéi de Vista vum Hard Disk…

Dono hunn ech da missen d’Windows-Partitioun verklengere fir Plaz ze man fir de Kubuntu. Well et am WWW op ville Plaze recommandéiert gouf wollt ech dat dann och am Vista-eegenen Disk Management man. Dee wollt awer partout net méi wéi 25 GiB raumen (och nom Defragmentéiren). Dunn ass es mer duergaang an ech hunn einfach de Kubuntu gewäerde gelooss. Resultat: de Vista fonktionnéiert (souwäit ech dat beurteele kann) nach ëmmer „perfekt“, an dat obschons wesentlech méi wéi 25 GiB fräigemaach goufen. Firwat net direkt sou?

Fazit:

De Vista ass tatsächlech sou extrem ressourcenhongreg wéi iwwerall geschriwwe gëtt.
De User Account Control huet schonn no e pur Stonne fatzeg genervt.
De Windows Disk Management gëtt net wierklech eens.
Et ass scho bal kriminell Windows Vista op där doten Hardware virzeinstalléiren. Ween net wëlles huet en anert Betriebssystem ze installéiren huet gutt 500€ an de Sand gesat.

(Meng Erfahrunge mat Linux op der selweschter Maschinn kommen och nach.)

Stärebestëmmung fir Ufänger

2007-07-19T12:57:00.000+02:00

Hei fënnt een en interaktive Astronomiescous an deem ee geléiert gëtt dräi Stärebiller an zwee Stären ze erkennen. Et ass flott gemaach an dat obschon (oder grad well?) et just mat einfachsten HTML-Mëttlen ëmgesat ass.

Nach e klengen Tipp: am Éislek ass de Stärenhimmel definitiv vill méi kloer an interessant wéi am Minett.

(via Ehrensenf)

Laïcité à la luxembourgeoise

2007-07-13T22:20:00.000+02:00

Le projet de loi prévoit notamment le principe de la neutralité dans l’enseignement en précisant qu’à l’exception des cours d’instruction religieuse et morale, la formation scolaire ne privilégie aucune doctrine religieuse […]
(Quell)

Iwwersetzung: d’réimesch-kathoulesch Léier ass déi eenzeg richteg an dat soll och sou bleiwen.

Update: Ween optimistesch ass ka sech jo mol op der Petitioun fir Trennung vu Kierch a Staat androen.

Gesprengten Autoen

2007-07-04T00:14:00.000+02:00

Ech hoffen dass d’Bobbye sech beim Sprenge vun den Autoe gutt amüséiert hunn, well dann hat et wéinstens e bësse Sënn.

Nummer 1 (an Nummer 2?):

Police have carried out a controlled explosion on a car parked at the hospital where one of the suspects from yesterday’s attack on Glasgow airport is being treated.
It is as yet unclear whether any explosives were found at the hospital but the car was believed to be linked to the airport attack, a spokesman confirmed. (Telegraph)

Two controlled explosions were carried out on two vehicles at the hospital. (BBC)

Nummer 3:

Ein Sprengstoffexpertenteam brachte das Auto heute Morgen kontrolliert zur Explosion. Der Wagen stand vor einer Moschee in Glasgow und kam den Ermittlern verdächtig vor. Eine Verbindung des Gotteshauses zu den versuchten Anschlägen in Glasgow und London konnten die Fahnder allerdings nicht finden. (Spiegel)

Net manner schlëmm fannen ech dass déi angeblech „Bommen“ an den Autoe mat deenen alles ugefaangen huet näicht anescht woaren wéi gefëllte Bensinkanisteren a Gasfläschen. Éischt Reaktioun vun de Medien: wann d’Leit nach keng Angscht sollten hunn da musse mer eben mat irrealisteschen Schreckensszenarien nohëllefen:

[...] a bomb that would have killed hundreds of people in central London had it exploded.¹

D’Regierung hirersäits erënnert d’Bevölkerung drun dass se an Angscht liewe soll:

UK terror threat now ‘critical’
[Erklärung:] Critical – an attack is expected imminently (BBC)

Ech perséinlech hat geduecht d’Fäerten doen wir d’Aufgab vun den Terroristen an déi vun offizieller Säit wir éischter d’Leit opzeklären a virun irrationaler Hysterie ze warnen. Zum Beispill kéint mol erwähnt ginn dass et méi wahrscheinlech ass ² duerch e Blëtzschlag, eng allergesch Reaktioun op eng Cacahuète, Wëld dat virun den Auto leeft oder Erdrénken an der Buedbidden ze stierwen wéi duerch en terroristeschen Akt. Mee dat gëtt wuel keng gutt Schlagzeil.

¹ Dat hat d’BBC an engem Artikel stoen. Nodeems jiddereen den Artikel bis gelies hat hu se dee Passage awer gestrach. Ech hunn en just nach am Google Cache erëmfonnt.
² Ech si mer der Absurditéit vu soue pseudo-mathemateschen Argumenter duerchaus bewosst. Et setzt den Terrorismus awer mol an en anere Kontext.

Update: Eeng kontrolléiert Sprengung schéngt dann awer méi harmlos ze sinn wéi et kléngt:

Endlech keng Word-Dokumenter méi verschécken!

2007-07-03T23:07:00.000+02:00

Endlech muss een net méi bei all OpenDocument dat ee verschéckt eng exportéiert Variant am Word-Format drunhänken. Sun Microsystems huet elo nämlech en ODF Plugin fir de Microsoft Office verëffentlecht. Mat deem Plugin kann een dann am Office¹ (2000, XP oder 2003) Textdokumenter, Tabellen a Präsentatiounen an engem vun den OpenDocument Formater opman an ofspäicheren.

Vläicht (loosst mech dach dreemen!) gëtt irgendwann wéinstens e pur Leit kloer dass den OpenOffice, speziell de Writer, d’Aarbecht an den meeschte Fäll grad sou gutt, wann net besser, mécht wéi d’Konkurrenz vu Microsoft.

Méi Info op heise.de

¹ Wéi een un de Versiounsnummeren onschwéier erkennt gëtt et de Plugin (nach) net d’Mac-Variant vum Office.

Firwat den Zauberstab Zauberstab heescht

2007-06-28T17:16:00.000+02:00

Ganz einfach: well e Labyrinther léist. Opmanst kéint een dat mengen wann ee sech dee flotten Gimp/Photoshop-Hack ukuckt dee grad d’Ronn duerch de WWW mécht. An esou léist ee mam Gimp e Labyrinth:

Mam Zauberstab d’Wand lénks oder riets vum An- oder Ausgang markéire loossen. (D’Toleranz héich genuch astellen!)
Per Select/Grow… d’Sélectioun ëm e pur Pixel vergréisseren. (Am Beispill sinn et der 15.)
Mat Edit/Stroke Selection… de Contour afierwen.

Déi Method klappt allerdéngs nëmmen wann e pur topologesch Conditiounen erfëllt sinn. Am einfachsten ass et wann et genau een Agang an een Ausgang gëtt an se alle béid bausse leien. Dann existéiert nämlech opmanst ee Léisungswee deen déi ausgewielte Mauer (plus eventuell Enclaven) vum Rescht vum Labyrinth ofspléckt. D’Vergréissere vun der Sélectioun vereinfacht dee Contour andeems all déi iwwerflësseg Weeër „opgefriess“ ginn.

Mat där Iwwerleeung gëtt awer och kloer dass déi Method net fir all Labyrinth klappt: soubal de Start- oder Endpunkt am Labyrinth läit kann den Zauberstab d’Labyrinth (am Normalfall) net méi an zwee splécken an d’Sélectioun verschléckt och de Léisungswee.

Vill Informatiounen zu allgemengen Algorithmen fir Labyrinther ze erstellen oder ze léisen fënnt een iwwregens hei.

Movie Trivia

2007-06-27T21:47:00.000+02:00

Wéi e Film ass an den USA „R Rated“?

a) Le fabuleux destin d’Amélie Poulain
oder
b) Die Hard 4

Et gleeft een et kaum…

Mee anerersäits ass bei eis de Workingman’s Death als „enfants admis“ gelaf. Nuje.

monarchie.lu

2007-06-23T15:39:00.000+02:00

Interessante Marketing.

Olympesches

2007-06-20T23:46:00.000+02:00

Nom fuerchtbaren London 2012 Logo an dem Epilepsie ausléisenden TV-Clip huet elo d’BBC där ganzer Laachnummer nach een drop gesat an deems se bewisen huet keng Ahnung ze hunn vun — et traut ee sech kaum et sou ze nennen — der internet pop culture. Aus engem Viewer-Contest huet d’BBC dat hei Bildchen an d’Top Twelve gewielt:

“Here is my design for the Olympic logo. It is very simple and so memorable. The hands represent Britain pulling together to reveal the Olympics.”

… zumindest bis se hire Feeler ¹ bemierkt hunn.

An deem Sënn: LMAO.

(via The Register)

¹ Warnung: net klicken!

No Censorship on flickr

2007-06-15T20:18:00.000+02:00

No Censorship on flickr

Wat soll ech soen? Ech hätt net erwoart dass Däitschland elo well als groussen Zensurstaat ugesi gëtt. (Bis op hiren heiansdo iwwerdriwwene Jugendschutz, an deen ass och eventuell Schold um aktuelle Misère.)

An trotzdem geheit flickr momentan Däitschland, Singapur a Korea an een Dëppen an erlaabt Yahoo IDs aus deene Länner just nach den Zougrëff op Fotoen déi als “safe” déclaréiert goufen. Eigentlech hunn ech nach ni bewosst no “moderate” oder “restricted” Biller gesicht an et kéint mer relativ egal sinn. Mee bei enger sou topeger, iwwerdriwwener an onnéideger Zensur wéi bei flickr ginn ech dann awer e bësse queesch.

Hei e klenge Workaround fir all déi déi och onglécklecherweis virun e pur Méint eng däitsch Yahoo ID ugeluecht hunn: de BugMeNot fir de Firefox erméiglecht engem (bis elo mol) den onbürokrateschen Zougrëff op all déi jugendgefährdent Nippelen déi et op flickr ze gesi gëtt. Just dass een déi dann natirlech net bei seng Favoriten am normalen Account bäisetze kann.

Hei ass iwwregens eng vu ménge Fotoen déi ech mol als “moderate” markéiert hunn falls ee säin Account teste wëll. Et géif mech interesséiren wat dobäi rauskënnt. (Déi eege Fotoen schéngen nach net zenséiert ze ginn…)

Update: Ech hunn de Post iwwerlies a complétéiert.

nassauern

2007-06-14T13:51:00.001+02:00

En interessant däitscht Verb: „nassauern (»jmd. ausnehmen, auf eines anderen Kosten zechen«)“¹.

Och de Wahrig kennt et:

'Nas·sau·er 〈m. 3〉 Einwohner von Nassau; 〈fig.; umg.〉 jmd., der sich einen Genuß verschafft od. Hilfe in Anspruch nimmt, ohne dafür zu bezahlen
'nas·sau·ern 〈V.i.; hat; umg.〉 in der Art eines Nassauers Hilfe, Rat in Anspruch nehmen; auf Kosten anderer leben

En zynesche Geescht kéint et wëlle mat eisem Haff a Verbindung bréngen. Mee och an der ëmstriddener Herkunftslegende sinn et net déi Adleg op déi den Ausdrock zeréck geet.

¹ Hans Joachim Störig (2002): Abenteuer Sprache. München: Deutscher Taschenbuch Verlag.

Milk meets Coffee

2007-06-13T15:03:00.000+02:00

Wat een net alles verpasst wann ee säi Kaffi schwoarz drénkt…

(Foto vum Irene Müller, via Boing Boing)

Layout-Ierger

2007-06-12T15:32:00.000+02:00

Haut hunn ech erschreckt festgestallt dass en nëmmen e pur Wochen aalt OpenDocument schonn net méi perfekt durgestallt gëtt. Besonnesch schlëmm woar dass eng Tabell déi ursprünglech nach perfekt ënnen op eng Säit gepasst huet neierdéngs an zwee gespléckt gëtt.

Den exakte Grond dofir kennen ech net, mee et huet sécherlech domat ze dinn dass

et op engem anere Computer mat anerer Distributioun ass,
déi Distributioun eng aner OpenOffice-Versioun huet,
grad wéi eng aner Freetype-Versioun,
an eng aner Versioun vum Printer-Driver (och wann dat mëttlererweil am OpenOffice keen Afloss op de Layout méi dierft hunn).

Mee leider limitéiert dee Phänomen sech kengesfalls op den OpenOffice. Och de Word ass berühmt-berüchtegt fir seng „Flexibilitéit“ wat de Layout ugeet. Sougur bei LaTeX kann an ongléckleche Fäll en Update vun engem Package oder de Wiessel vun latex+dvips op pdflatex zu aneren Zeilen- an domat och Säitenëmbrëch féiren.

Trotz ISO-genormtem OpenDocument ginn et zevill Variablen déi méi oder manner subtil Auswierkunge kënnen hunn, sougur wann een nominell de selweschte Programm benotzt. Konklusioun: et féiert näicht laanscht PDF, sougur wann d’Dokument schonn a pur Méint all Relevanz verléire wäert. Et muss ee just oppassen dass och all d’Schrëften an der PDF embedded sinn, soss huet ee fréier oder spéider och domat Ierger…

“Can I race in Indianapolis next Sunday?”

2007-06-11T16:26:00.000+02:00

De Kubica huet e gudde Schutzengel.

“‘Can I race in Indianapolis next Sunday?’ That was his first question,” Ronald Denis, head of trauma at Sacré-Cœur Hospital in Montreal and at the Formula One site, said with a huge smile after a battery of tests showed the driver had few injuries and none of them serious. (Quell)

SAY WHAT AGAIN

2007-06-09T18:19:00.000+02:00

Intonation
(vum Jarratt Moody)

Echt Kapitälchen

2007-06-09T00:07:00.000+02:00

Kapitälchen (Small capitals op Englesch) sinn — graff gesot — verklengert Groussbuschtawen. Allerdings gëtt et méi dozou ze soen wéi et am Writer oder dem Word den Uschäin huet. Do ass d’Resultat nämlech zimlech onspektakulär:
Nieft dem ze enken Textsaz deen d’Liesen erschwéiert, gesäit et och nach ongläichméisseg aus well déi kleng Buschtawen vill ze reng sinn am Verglach zu deene groussen.
Déi eenzeg qualitativ héichwerteg Léisung besteet doran e separate Schrëftschnëtt fir d’Kapitälchen ze benotzen. Speziell fir déi leider vill zevill verbreeten a benotzten Textveraarbechtungsprogrammer¹ heescht dat dass een den integréierten Kapitälcheneffekt onbedingt évitéire muss wann ee gären e propert Resultat hätt. Mat enger richteger Small Caps-Schrëft gesäit et dann sou aus:
Leider falen sou Schrëften an de Profiberäich an nëmmen déi manste si gratis ze kréien. Mee et ginn der!² Zum Beispill déi schwongvoll an elegant Fontin vum Jos Buivenga. Hei ass e klenge Pangramm als Schrëftprouf³:

Fir Linux ass d’TrueType-Format am onproblemateschsten. Si huet och all d’Zeechen déi néideg si fir Lëtzebuergesch, Englesch, Franséisch, Däitsch a Spuenesch korrekt ze schreiwen. Bei malteseschen Touristenattraktiounen muss se awer passen (an den OpenOffice léint sech en Ħ an e ġ aus enger anerer Schrëft):

¹ Ironescherweis si meng Screenshots trotzdem am OpenOffice Writer entstanen. Hei ass e klenge Verglach tëscht OpenOffice a LaTeX.
² D’Schrëft aus deenen zwee éischte Screenshots ass awer net d’Fontin. Mee op d’Schrëft aus de Screenshots kommen ech nach zeréck. Vläicht erkennt oder erréit jo een se…
³ Et gëtt kee fett-kursive Schnëtt vun der Fontin. Trotzdem erlaabt den OpenOffice se fett-kursiv ze setzen. D’Resultat ass awer einfach eng künstlech geneigte Versioun vun der Fetter! Imaginär Schrëften uweisen: rem e Grond méi Textveraarbechtungen ze évitéiren wou et nëmme geet.

Typographie

2007-05-30T18:33:00.000+02:00

Ënnert Typographie versteet een d’Konscht en Text interessant, elegant a virun allem lieserlech ze gestalten andeems een engersäits fir e gudde Layout suergt (Makrotypographie) an anerersäits eng Rei Feinheeten am Text selwer bëuecht (Mikrotypographie). Als Hobby ass et net ongeféierlech: et entsteet ganz séier e gestéiert Verhältnis zu Dageszeitungen (well de redaktionelle Stress et scheinbar net erlaabt d’Texter nach eng Kéier ze iwwerliesen.)

Oft gesäit ee Feeler bei den Anführungszeechen, „rit“ Apostrophen, keen Espace virun den Doppelpunkten (am Franséischen), feelend Accenten op de Groussbustawen, falsch Ofkierzungen an nach vill aner Saachen.

Ween den Éiergäiz huet e méiglechst korrekten Text ze produzéiren, fënnt am Internet méi wéi genuch Siten an Dokumenter déi deem Thema gewidmet sinn. Ech hu mol déi a méngen Aan interessantst Aféirungstexter erausgesicht:

Däitsch
typokurz ass eng Iwwersiicht vun de wichtegste Begrëffer a Regelen déi am Däitschen üblech sinn. Ergänzend kann een am relativ kompletten Typolexikon Begrëffer noschloen. Wat Webdesign ugeet, sou schéngt mer dëse Site e gudden Iwwerbléck ze ginn iwwert alles Wëssenswertes.

Franséisch
Am Franséische gëtt et virun allem déi ganz flott petites leçons de typographie vum Jacques André. Ween et léiwer méi kuerz huet, fënnt e Résumé vun deene wichtegste Regelen op dësem Site. (D’Buch aus deem déi Regelen zitéiert sinn kann ech iwwregens nëmme recommandéiren!)

Englesch
E ganz schéi präsentéierten engleschen Text ass den Typography Primer vun Adobe, mee leider geet deen net souvill op déi praktesch Detailer an wéi den typokurz oder d’Leçons.

An no der Lecture kann een direkt ufänken mat trainéiren ;-)

Ee vun de wichtegsten Tipps iwwerhaapt ass awer ganz kloer d’Textveraarbechtung op déi richteg Sprooch anzestellen ir een ufänkt mat schreiwen. Da profitéiert een net nëmme vun enger (oberflächlecher) Rechtschreibkorrektur, mee eng Rei typographesch Regelen ginn automatesch applizéiert!

E klengen Tableur-Tipp

2007-05-30T17:23:00.000+02:00

Dëslescht hat ech mol rem eng Kéier mam OpenOffice Calc ze dinn (en Excel-Klon). Ech hunn eppes missen nosichen a sinn dobäi op en interessanten Tipp fir horizontal Balkendiagrammer gestouss. Dat speziellt drun ass dass se an den Zellen integréiert sinn. Beispill:

Den Andy hat et net néideg sech unzeschnallen

2007-05-23T14:01:00.000+02:00

… mee et woar jidderengem sch***egal well de Radiospot doudlangweileg woar.

Et solle jo nach ëmmer Toperte ginn déi sech oder hir Kanner net uschnallen. Wann eng Campagne do hëllefe soll muss se awer wuel e bësse méi drastesch ausfalen wéi dee rofgeleierten Pseudozeiebericht deen ech grad um RTL héiren hunn.

Firwat net en auslännesche Fernsehspot akafen? Beispill:

Vrooooooooooooooooommmmm

2007-05-22T02:04:00.000+02:00

Den Tux bei den Indy 500!

Dat däerf op dëser Plaz wuel net onerwähnt bleiwen...

Kino mol anescht

2007-05-21T21:11:00.000+02:00

Eigentlech stinn ech jo éischter op seriö Filmer an engem seriöse Kino (a sinn dann och iwwerzeegtenen Utopolis-Verweigerer). Mee bei aller Spiessegkeet, den neien amerikanesche Virprogramm huet eppes.

Tafelrechnung mol anescht

2007-05-03T19:29:00.000+02:00

Elegant:

Mee ech bezweifelen dass et hinnen hei gehollef hätt ;-)

(Merci, Mrs B. Hairpin, fir den 2. Video)

Sou, lo geet’s awer mol virleefeg dur mat der Mathé.

Mathé mécht glécklech

2007-05-03T07:36:00.000+02:00

... oder sou.

De Spiegel huet eng scheinbar grouss ugeluechten Enquête ënnert jonken Akademiker duerchgefouert. E pur Fakten aus dem Studentenspiegel si bemierkenswert. Sou stinn d’Mathematiker zum Beispill un zweeter Plaz wat d’Zefriddenheet mat hirem ofgeschlossene Studium ugeet.

Wann een dann nach d’Top Ten vun de beschtbezuelte Beruffer kuckt, stellt ee fest dass de Studium all kéiers mat Mathé op anstännegen Niveau verbonnen ass.

Do froen ech mech firwat d’Mathé an der Gesellschaft sou verpönt¹ ass. Net liese kënnen? Dramatesch! Mee schlecht an der Mathé? Do kann een driwwer laachen!

Wee weess, vläicht gëtt ee jo geschwënn wierklech bezuelt fir Wëssenschaften zu studéiren?

<rant>Wann ech nach wéist firwat dee blöde Blogger.com d’Alpha-Transparenz net ëmmer respektéiert! Et schéngt drun ze leien dass déi zweet Grafik eng vu Blogger verklengert Versioun ass, während déi éischt 1:1 méngem Upload entsprécht. Dee Bug nervt! Do muss ech wuel eng Kéier maulen.</rant>

¹Update (14.6.07): What Is the Value of Algebra?

Aner Länner, aner Mathé?

2007-04-26T20:32:00.000+02:00

Wann dëse Verglach stëmmt, dann hunn d’Englänner e klenge Problem...
Vun offizieller Säit ginn et awer schonn Erklärungsversich.

Via /.

Update: Schued, ech hunn d’500£ vum Concours net gewonnen. Dofir ginn et awer elo e pur weider Détailer fir jiddereen deen drun interesséiert ass.

Xbox 360 Laptop

2007-04-25T19:15:00.000+02:00

Spillkonsolen interesséire mech am Allgemengen net am geréngsten, scho gur net déi vu Microsoft. Mee haut man ech eng Ausnahm.

Dat hei ass onbeschreiflech, brilliant, onbeschreiflech brilliant.

Ech si gespaant op den drëtten a leschten Deel.

Grammaires-Correcteur fir Linux

2007-04-20T22:28:00.000+02:00

Den Antidote RX fëllt eng laangjähreg Lacune an der Software-Offer fir Linux: et ass e Korrekturprogramm fir d’franséisch Sprooch. A méngen Aan ass dat awer scho bal niewesächlech, well de gréisten Atout sinn déi sëllegen Dictionnairen déi och matgeliwwert ginn. Hei e pur Screenshots:

Da ginn et awer och eng Rei „Guiden“ an deenen ee verschidden orthographesch a grammatesch Begrëffer respektiv Regelen noschloe kann:

Wat d’Korrektioun ugeet hat ech elo keng Loscht irgend e belanglosen a feelerhaften Beispilltext opzesetzen. Et sief just gesot dass d’Korrektur gutt fonktionnéiert a pertinent Erklärunge gëtt. Trotzdem ass et wéi bei all sou Programm ëmmer nach de Benotzer deen d’Grammaire perfekt beherrsche muss an net einfach blann dem Computer vertrauen däerf. Mee egal wéi gutt een iwwerliest, den Antidote fënnt awer nach ëmmer déi eng oder aner Klengechkeet déi een iwwersinn hat.

En net onwesentleche Virdeel (an Haaptkafgrond) ass natirlech d’Linux-Ënnerstëtzung. D’Original-CD enthält eng Linux-, Mac- a Windows-Versioun. D’Software muss aktivéiert ginn (grommel) an däerf nëmmen op 3 PCen (aus engem Stod) installéiert ginn. Bis elo ginn allerdings just Fedora a SuSE (SLED) offiziell ënnerstëtzt. Op méngem Kubuntu Dapper fonktionnéiert awer och alles problemlos. Ënner Kubuntu Edgy woar intensivt Gefummels néideg fir d’OpenOffice-Integratioun un d’Goen ze kréien, an ënner Gentoo fonktionnéiert den Antidote u sech zwar korrekt mee d’OpenOffice-Integratioun krut ech net un d’Goen. Dat ass dann d’Strof dass ee proprietär closed source Software keeft. Ech muss wuel kaum soen dass de Kaf mech eng gewëss Iwwerwannung kascht huet, besonnesch wou déi 120€ a stoarkem Kontrast stinn zu den 0€ fir Betriebssystem, E-Mail, OpenOffice, Scribus, Inkscape, Gimp et j’en passe.

Fazit:

Brilliant Redaktiounshëllef
Gutt Grammaireskorrektur
Gutt OpenOffice-Integratioun, insoufern se fonktionnéiert.
Keng fräi Software

Interessant Geschäftspraktiken

2007-04-14T10:07:00.000+02:00

Sou gëtt ee räich:

From: Bill Gates
Subject: ACPI Extensions
One thing I find myself wondering about is whether we shouldn’t try and make the “ACPI” extensions somehow Windows specific.

It seems unfortunate if we do this work and get our partners to do the work and the result is that Linux works great without having to do the work.

Maybe there is no way to avoid this problem but it does bother me.

Maybe we could define the APIs so that they work well with NT and not the others even if they are open.

Or maybe we could patent something related to this.

Vun hei, via OSNews.

An da wonneren ech mech wann ACPI am Joer 2007 nach oft Schwieregkeete mécht. Et ass zwar en dokumentéierte Standard, mee leider konnt MS rëm hir üblech Praktiken ongehënnert duerchsetzen: e Standard iwwerhuelen awer eng feelerhaft Implementation schreiwen. Resultat: d’Majoritéit vun de BIOSen ass net standard-konform, mee ënner Windows fonktionnéiert et trotzdem.

Update: Et muss een allerdings och soen dass d’ACPI-Spezifikatiounen net grad kleng sinn an och relativ komplex. Wéi ëmmer ass de Linus och hei relativ “outspoken”:

Modern PCs are horrible. ACPI is a complete design disaster in every way. But we’re kind of stuck with it. If any Intel people are listening to this and you had anything to do with ACPI, shoot yourself now, before you reproduce. (Quell)

The fact that ACPI was designed by a group of monkeys high on LSD, and is some of the worst designs in the industry obviously makes running it at any point pretty damn ugly. And the fact that MB vendors don’t test it with anything else than Windows (and sometimes you wonder whether they do even that) doesn’t help. (Quell)

Jabber User Directory

2007-04-12T11:10:00.000+02:00

Fir iwwer Jabber mat engem ze schwätzen brauch een deem anere seng Jabber User ID, wéi z.B. tuxophil@jabber.ccc.de (net ze verwiessele mat enger E-Mail Adress!). Wann een déi awer net weess kann een e Bléck an den Jabber User Directory werfen. Dat fonktionnéiert awer an all Programm liicht anescht, dofir ginn ech och net weider drop an.
Wat awer wichteg ass, ass dass ee bei Jabber net automatesch an deen zentrale Register agedroe gëtt (fir d’Privatsphär ze schützen). Dat muss een also eng Kéier selwer aus séngem Jabber Client eraus maachen.

A ween einfach mol mat Jabber-User schwätze wëll huet am Beschten e benotzt säi Google Account oder mécht sech een falls en nach keen huet. Den Jabber-baséierte Google Talk ass iwwregens och exzellent an den GMail Web-Interface integréiert.

DSL Upgrade

2007-04-09T21:43:00.000+02:00

Et schéngt demnächst e „klengen“ Upgrade vun de Leitungen ze ginn. :-)

Ad-hoc mode as cheap Access Point replacement

2007-03-17T12:23:00.000+01:00

Nowadays most laptops come with a built-in WLAN device. That’s also the case for my Thinkpad. Unfortunately I don’t have a wireless access point and I'm not inclined to shell out 50€ just for occasional web browsing from downstairs. But with a second WLAN device it’s actually possible to share an Internet connection without using a AP. This solution, which I’ll describe below, is based on the less known ad-hoc mode. In this operation mode, two or more WLAN NICs can communicate directly with each other without an intermediary device. However, for a seamless operation it’s also necessary to have DHCP and DNS servers, so that clients can have instant access to the Internet. That’s why I had to

connect the two NICs in ad-hoc mode
set up network address translation on the “server”
set up a small DNS and DHCP server

In the following, I assume that you have two PCs or laptops at your disposal: a “server” disposing of a wired Internet connection and a WLAN NIC, and a “client” which will use the shared internet connection. Some experience with Linux administration may be helpful. To allow for easy activation and deactivation, the server’s NIC is controlled by a small init script. The only requirements are a working WLAN NIC (i.e. the necessary kernel modules are loaded), iptables, and dnsmasq. The latter is a small DNS cache which can also assume the role of a DHCP server. As such it’s ideal for this project. To make it all work as intended, we have to use two different dnsmasq configurations: one with DNS and DHCP on the WLAN interface and one without. The relevant lines in /etc/dnsmasq.conf are the following:

# by default, only provide DNS on the loopback interface:
interface=lo
# read an additional config file:
conf-file=/etc/dnsmasq-wlan/dhcp.conf

In /etc/dnsmasq-wlan two files need to be created:

# /etc/dnsmasq-wlan/dhcp-on.conf
# re-enable DNS and DHCP for eth1
interface=eth1
dhcp-range=192.168.2.50,192.168.2.150,12h

and

# /etc/dnsmasq-wlan/dhcp-off.conf
# disable DNS and DHCP for eth1
except-interface=eth1

Finally, here’s the init script (/etc/init.d/wlan-server):

#!/bin/sh
# Set up ad-hoc wlan network with WEP, NAT, DNS and DHCP
# TODO: firewalling
# WARNING: WEP encryption is *broken*. Don't rely on it for
# strong security!
#
# Setup:
# echo "conf-file=/etc/dnsmasq-wlan/dhcp.conf" >> /etc/dnsmasq.conf
# mkdir /etc/dnsmasq-wlan
#
# /etc/dnsmasq-wlan/dhcp-on.conf:
# # re-enable DNS and DHCP for eth1
# interface=eth1
# dhcp-range=192.168.2.50,192.168.2.150,12h
#
# /etc/dnsmasq-wlan/dhcp-off.conf:
# # disable DNS and DHCP for eth1
# except-interface=eth1

set -e

WLAN=eth1
LAN=eth0
ADHOCESSID=thinkpadadhoc
IP=192.168.2.2
WEPKEY=1234-5678-90 #needs to be changed...
# some NICs need to be given a channel number
CHANNEL="channel 11"

startwlan() {
  # Wireless configuration
  iwconfig $WLAN mode Ad-Hoc
  iwconfig $WLAN essid "$ADHOCESSID" $CHANNEL key restricted $WEPKEY
  ifconfig $WLAN $IP
  # Reset iptables NAT settings
  iptables -t nat -F
  iptables -t mangle -F
  # Set up Network Address Translation
  iptables -t nat -A POSTROUTING -o $LAN -j MASQUERADE
  echo 1 > /proc/sys/net/ipv4/ip_forward
  # Enable dnsmasq DHCP server on WLAN
  cp /etc/dnsmasq-wlan/dhcp-on.conf /etc/dnsmasq-wlan/dhcp.conf
  /etc/init.d/dnsmasq restart
}

stopwlan() {
  # TODO: reset wlan interface
  # Reset iptables NAT settings
  iptables -t nat -F
  iptables -t mangle -F
  # disable DNS and DHCP on WLAN
  cp /etc/dnsmasq-wlan/dhcp-off.conf /etc/dnsmasq-wlan/dhcp.conf
  # force reload of config files
  /etc/init.d/dnsmasq restart
}

case "$1" in
start)
  start-wlan
  ;;
stop)
  stop-wlan
  ;;
restart|reload|force-reload)
  stop-wlan
  start-wlan
  ;;
esac
exit 0

The init script above is written for a Ubuntu system, but it should not be too difficult to adapt it to other systems.

On the client side, setting up the network is quite easy, given that the server automatically assigns IP addresses and transmits the correct DNS parameters. Windows XP has no trouble connecting to this network, you’ll just have to provide the encryption key. Unfortunately, Ubuntu clients still have trouble connecting to ad-hoc networks. You can manually set up the connection with this command:

iwconfig eth1 essid lenovoadhoc mode Ad-Hoc key restricted 1234-5678-90

If you’ve found this guide useful, please tell me so.

Endlech — eis Fernseher gi verkrëppelt

2007-02-27T19:55:00.000+01:00

Sou oder sou ähnlech wäerte wuel vill Leit d’Noriicht vum Dag opgeholl hunn:
Ab Januar 2008 gëtt et keen analogt Signal méi um Gemeinschaftsantennekabel. Also muss fir all Fernseh, all Hard Disk-Recorder an all TV-Koart fir de Computer en Decoder kaf ginn. Eigentlech verfluchen ech jo d’PAL-Technik wéinst der dach, fir heiteg Standarden, miserabler Qualitéit. Dass meng e pur Méint al TV-Koart Enn des Joers awer rem wertlos ass iergert mech dach zimlech. An da bleift d’Fro inwifern een mat der Decoder-Télécommande de Fernseh steire kann an ëmgedréint.

Dat eenzegt gutt schéngt ze sinn dass e sënnvollen Accord fonnt ginn ass deen — hoffentlech — dofir suergt dass de ganzen Duercherneen (gratis/net gratis, chip card, Kompatibilitéit, etc.) vun deem ech schon gelies hunn (iwwer d’Situatioun an Däitschland) hei net antrënnt.

Fir de Rescht: ech kucken, grob geschätzt, eng 5—10 Stonne Fernseh. De Mount. Soulaang kee mer den DSL ofschalt ass alles am gringe Beräich =)

Update: Humoristesche Kommentar vun eiser Regierung:

En outre, l’installation sera plus facile qu’avec l’analogique […]

Situation de proportionnalité: Wann d’Zuel vun de Geräter sech verduebelt, gëtt d’Verkablen duebel sou einfach. Oder hunn ech dat falsch verstanen?

De Commerce wäert sech jiddefalls freeën: 100€ fir 1 Decoder, 1 Decoder pro Gerät, e pur Geräter pro Stot, 90% vun de Stéit si betraff.

Wee Musék online keeft ass selwer schold

2007-02-03T11:55:00.000+01:00

„Besonders ärgerlich dürfte für betroffene Kunden sein, dass sich unter Umständen nach der Umstellung eines Windows-2000- oder Windows-XP-Systems auf Windows Vista die im iTunes Store gekauften Songs nicht mehr abspielen lassen.“ (Quell: heise.de)

Mat enger normaler MP3 oder Vorbis-Datei wir dat net geschitt. Dat kënnt dohir dass Mediekonzerner hir Clienten an éischter Linn als potentiell Krimineller gesinn a behandlen. Anescht ass et net ze erklären dass alles duerch Digital Rights Management verkrëppelt gëtt, bis et vu lauter Inkompatibilitéiten an anere Problemer just nach eng Lotterie ass, ob ee seng Musék iwwerhaapt nach ka lauschtere. Anert Beispill: Musékstitelen déi ënnert dem Microsoft-DRM-Label „Plays For Sure“ verkaaft goufen, kënnen net vum neiste Microsoft-Player, dem Zune, ofgespillt ginn.

CDen déi ech virun 10 Joer kaf hunn, leeën ech an irgend e Player a ka se lauschteren. An dat onofhängeg vun der Mark, dem Playermodell, der Firmware-Versioun oder sonstegen Détailer.

Fir den Titel dann awer nach ze korrigéiren: et ginn och Online-Shops déi DRM-fräi Musék verkafen, do brauch een sech awer net ze erwoarden Mainstream-Stécker ze fannen. Dat heescht awer sëcherlech net dass et do just schlecht Musék géif...
mp3tunes, magnatune, emusic, bleep, mindawn

A mal B mal C

2007-01-27T23:36:00.000+01:00

D’Wort erklärt di nei Autossteier:

„Berechnet wird sie, mathematisch-abstrakt ausgedrückt, nach der Formel A mal B mal C.“

Kléngt jo komplizéiert. Net zwou, mee carrément dräi Zuele gi matenee multiplizéiert! Bei sou héigen Abstraktiounsniveauen — et kéint ee bal vu Meta-mathé schwätzen — ass et dann och verständlech dass een den Iwwerbléck verléiert an aus enger linearer Croissance eng exponentiell mécht.

Das Wort zum Sonntag

2007-01-13T20:55:00.000+01:00

„Wenn ein Mann einen störrischen und widerspenstigen Sohn hat, der nicht auf die Stimme seines Vaters und seiner Mutter hört, und wenn sie ihn züchtigen und er trotzdem nicht auf sie hört, dann sollen Vater und Mutter ihn packen, vor die Ältesten der Stadt und die Torversammlung des Ortes führen und zu den Ältesten der Stadt sagen: Unser Sohn hier ist störrisch und widerspenstig, er hört nicht auf unsere Stimme, er ist ein Verschwender und Trinker. Dann sollen alle Männer der Stadt ihn steinigen und er soll sterben. Du sollst das Böse aus deiner Mitte wegschaffen.“ (Dtn 21,18-21)

Weider interessant Extraiten ginn et hei: 1 2 3 4 5 6 7.

Offenblitzmethode

2006-12-29T22:13:00.000+01:00

… heescht mat onbegrenzter Beliichtungszäit ausléisen, mat engem Blëtz rondremlafen a soulaang blëtze bis ee mengt dass den CCD (oder den Negativ) genuch beliicht ginn ass. Alternativ kann een d’Motiv och mat Täscheluuchten ausliichten. Wann ee béides kombinéiert kritt een eventuell flott Foarfeffekter wéinst den ënnerschiddleche Foarftemperaturen.

Ech hunn e pur bescheiden Experimenter op de Flickr gesat.

Stroossekonscht

2006-12-22T14:13:00.000+01:00

Beandrockend.

(via mightyillusions)

kleng Iddi fir Chrëschtdag

2006-12-13T23:02:00.000+01:00

Brilliant :-)

A souguer Linux-kompatibel.

(via User Friendly Link of the Day)

Portabel Programmer

2006-12-13T20:57:00.000+01:00

Wee flucht net heiansdo iwwer Windows-PCen op deenen ee keng Administratorrechter huet?
Do ass oft den eenzege brauchbare Programm de Minesweeper…

Ech schéngen awer net alleng an där Situatioun ze sinn: et gi mëttlererweil eng Onmass u Portable Apps (nach méi Programmer) déi ee ganz einfach a bequem op säin USB-Stick setze kann. Onverzichtbar sinn do wuel Firefox a GVim déi mech säit neistem iwwerallhinn begleeden.

Wat et leider nach net am portable gëtt ass den (exzellenten) PDFCreator. Dee muss nämlech e Printerdriver am System verankeren an dat geet nuneemol nëmmen als Administrator. Fir Word-Dokumenter kann een awer op den integréierten PDF-Export vum portablen OpenOffice zeréckgräifen.

Neies vun OpenDocument an Office Open XML

2006-12-08T22:50:00.000+01:00

Nodeems OpenDocument jo kierzlech endlech ganz definitiv an offiziell vun der ISO verëffentlecht ginn ass, ass dat vu Microsoft entwéckelt Konkurrenzformat Office Open XML gëscht als ECMA-Standard ugeholl ginn.

Iwwer d’Qualitéit vun deem fonkelneie „Standard“ léist sech awer wuel nach diskutéiren. Extrait:

For legacy reasons, an implementation using the 1900 date base system shall treat 1900 as though it was a leap year. [Note: That is, serial value 59 corresponds to February 28, and serial value 61 corresponds to March 1, the next day, allowing the (nonexistent) date February 29 to have the serial value 60. end note] A consequence of this is that for dates between January 1 and February 28, WEEKDAY shall return a value for the day immediately prior to the correct day, so that the (nonexistent) date February 29 has a day-of-the-week that immediately follows that of February 28, and immediately precedes that of March 1. (Quell)

Einfach schéin.

Aneren amüsanten Detail: Mac-User wäerten nach e pur Méint woarde musse bis MS hinnen d’Méiglechkeet gëtt dat neit Office-Standardformat iwwerhaapt opman ze kënnen.

Bëllegen Toner

2006-12-07T15:34:00.000+01:00

No villem Gesichs hunn ech endlech en Online-Shop fonnt dee bëlleg Original-Cartouche fir mäi Printer huet a gläichzäiteg weess wou Lëtzebuerg läit: spot4. Do kascht eng Q6000A (schwoarz fir HP2605dn) nëmmen 55,19€ + 7,95€ Versand. Zum Verglach: hei am Land hunn ech se bis elo ëmmer nëmme fir ca. 95 gesinn, wann se iwwerhaapt ze kréie woar...

Leschten Donneschden hunn ech owes eng Bestellung gemaach a per Virement bezuelt. Ech krut direkt eng „Bestelleingangsbestätigung“ an den Dag drop eng Auftragsbestätigung. Gëscht ass eng Mail komm dass s’et verschéckt hätten (mat Tracking-Nummer!) an elo hunn ech se am Grapp.

An anere Wierder: professionnel, séier a bëlleg.
Eenzegen Nodeel: Ausland nëmme per Vorkasse.

Brillianten 1/sqrt(x)

2006-12-01T21:44:00.000+01:00

Fir e Vecteur ze normaliséiren, deelt een en duerch seng Norme. „Fréier“ woar dat allerdéngs relativ zäitopwenneg. Éischtens wéinst der racine carrée an zweetens wéinst der Divisioun. An 3D-Applicatioune muss dës Operatioun awer honnerten an dausende mol pro Sekonn ausgeféiert ginn. Hei kann et sech scho mol lounen ze optiméiren.

An hei ass sou eng optiméiert Method:

float InvSqrt (float x){
  float xhalf = 0.5f*x;
  int i = *(int*)&x;
  i = 0x5f3759df - (i>>1);
  x = *(float*)&i;
  x = x*(1.5f - xhalf*x*x);
  return x;
}

Fir et kuerz ze man, et ass Newton-Raphson mat enger eenzeger Iteratioun (Zeil 6). De groussen Trick läit an den Zeilen 3 a 4, wou e méiglechst gudde Startwert gesicht. Dobäi gëtt de float x als int interpretéiert, an dono an enger Integer-Soustractioun benotzt! De float x gëtt also net ëmgewandelt, mee säi Bitmuster gëtt einfach als Integer ëminterpretéiert! Kann sou eng Operatioun iwwerhaapt e Sënn hunn? A virun allem, wat ass d’Bedeitung vum 0x5f3759df? Dës Froen ginn an engem interessanten Artikel vum Chris Lomont behandelt. Deen Artikel ass wierklech liesenswert fir jiddfereen deen iwwert dat néidegt Grondwësse verfügt. A méngen Aan illustréiert en och flott wat den Ënnerscheed tëscht Programméiren engersäits a Computer Science anerersäits ass.

Hautdesdaags wir déi Method allerdings kontraproduktiv: modern Hardware huet spezialiséiert Circuiten fir dës an nach aner oft gebrauchten Operatiounen. An déi si méi séier wéi all Software-Implementatioun. Ech hoffen dass deen een oder aneren et trotzdem interessant fënnt.

(Fonnt via Slashdot)

LaTeX Beamer

2006-11-15T23:05:00.000+01:00

Leider menge vill ze vill Leit dass Präsentatioune gläichbedeitend wire mat PowerPoint (oder Impress). Dass deem net sou ass weisen déi zwee bekannsten LaTeX Packages: Beamer an Prosper/HA-Prosper. Wéi sou oft hunn ech mech och an deem Beräich op mäin éischten Androck verlooss, an deen huet mer gesot dass den HA-Prosper e vill méi flotten an interessante Site huet wéi de Beamer. Wat e Feeler!

Ganzer 214 Säiten Dokumentatioun bréngt de Beamer mat sech. Honnerte vun Optiounen ginn ausféierlech erklärt a beschriwwen a maachen dëse Package wuel zur flexibelster an effikasster Manéier LaTeX-Slides ze erstellen. Kuckt äerch op alle Fall mol d’Beispiller un.

Wéi üblech huet een och an dësem Fall déi üblech LaTeX Vir- an Nodeeler. Mee ganz wichteg schéngt mer awer ze sinn dass d’Standard-Dateiformat PDF ass an net méi PowerPoint. Ween huet net schonn mol Kapp gerëselt iwwert eng Präsentatioun wou verschiddenes net méi ze entschlëssele woar, well de PC op deem d’Präsentatioun gehale gouf net iwwert déi selwescht Schrëfte verfügt huet wéi den ursprüngleche Computer? Mat PDF ass dat kee Problem méi an als Bonus ass d’Präsentatioun zukunftssécher a plattformonofhängeg.

An net ze vergiessen: Et kann ee problemlos wëssenschaftlech Formelen integréiren ouni dass et a Klickorgien ausaart. An dat dierft fir vill Leit en net onwichtegt Argument sinn.

Een Nodeel huet dat Ganzt awer: kee vun de mär bekannte PDF-Viewer huet e Präsentatiounsmodus à la Powerpoint, an deem een um zweeten Display déi eigentlech Fullscreen-Präsentatioun lafen huet während een um Haaptschierm (Laptop) en Iwwerbléck iwwert all d’Slides huet.

Optesch Täuschung

2006-11-13T16:54:00.000+01:00

Klick.

De Woody Allen an den Inspector Gadget

2006-11-04T01:01:00.000+01:00

Wat sollen déi zwee scho gemeinsam hunn?

D’Musek!

Beim Ofspann vum Scoop woar ech schon e bëssen erstaunt dass ech déi Melodie vun irgendwou kannt hunn. Séier ass mer agefall wouhir, mee dass et dem Inspector Gadget seng ass féiert zu enger anerer Fro: wéi kënnt et dozou? Da muss et bal irgend e klassescht Stéck ginn wat d’Inspiratioun fir béid Produktioune geliwwert huet.

Wéi di meescht kleng Alldags„problemer“ kann och dësen mat e bësse googlen geléist ginn. Wourop ech awer eigentlech eraus wëll ass dee klengen awer interessante Site deen ech dobäi fonnt hunn:
Op kickassclassical.com fënnt een dës an nach vill aner bekannte Melodien, a wou se iwwerall benotzt gi sinn. Och als Klassikmuffel kann et interessant sinn, kuerz bis eranzelauschteren. E bësse Kultur huet nach kengem geschued :-)

A fir déi déi et interesséiert, de Scoop ass eng typesch Woody Allen-Comédie, kaum innovativ, mee allemol witzeg an unterhaltsam. An e leeft an engem Kino an deem et net no Pizza(!) sténkt.

kompakten EPS

2006-10-24T19:08:00.000+02:00

Wann ee mat LaTeX schafft an e pur Grafike bastele wëll, ass een oft op de PSTricks ugewisen (och wann PGF/TikZ net oninteressant ass). Da kann een awer leider keng Bitmaps méi am PNG-Format afügen: si mussen als éischt an eng Encapsulated PostScript-Datei ëmgewandelt ginn. Dat ass kee Problem, dem ImageMagick säin convert-Kommando mécht dat ouni mat der Wimper ze zucken. A schons ass aus enger 294 KiB PNG eng — oh, hëppla! — 63,3MiB EPS ginn. Dat mécht dem LaTeX zwar näicht aus, mee e pur sou Grafike man d’Weiderschaffen net grad méi komfortabel.

D’Léisung läit an de PostScript-Levels: am Level I (vun 1984) gëtt et nach keng Kompressioun fir Foarfbiller, am Level II sinn eng Rei Optioune bäikomm, mee eréischt am (aktuellen) Level III ass komplette Support fir kompriméiert Bitmaps implementéiert ginn. Fir déi Levelen ze benotze geet et dur dem convert dat matzedeelen. convert pic.png eps2:pic.eps gëtt mer eng Datei vun 2,6 MiB, a mat convert pic.png eps3:pic.eps bleiwe just nach 300 KiB iwwreg.

Iwwert dem Tippen hunn ech och nach festgestallt dass et sougur eng Méiglechkeet gëtt dem dvips ze soen dass e PNGen on-the-fly konvertéire soll. Domadde wier dëse Post also (quasi) komplett iwwerflësseg ;-)

Ech si krank

2006-10-23T21:56:00.000+02:00

Oder zumindest wëll ee mer dat arieden. Ech hunn haut schon 53mol dee selweschte Spam kritt, dee mer, ënner anerem, „V1agra Professional“, „Suregasm“ (fir d’Fra!) a Prozac ubitt. An nieft deene Klassiker kréich ech awer och eng Rei Antibiotika do ze kafen. Dat muss ech mer mol verhalen: déi nächst Angine kënnt bestëmmt.

Oh, 54.

Gutt dass de Bogofilter keng Problemer domat huet. Virun allem ass de Bogofilter vill méi séier wéi de Spamassassin. Dat awer nëmmen niewebäi.

22" > 19"

2006-10-23T17:30:00.000+02:00

Virun allem an der Breet, huet de Pythagore gemengt.

Fir 379€ konnt ech einfach net widderstoen: ech hu mer gëscht en Acer AL2216W Bildschierm kaf. 22 Zoll am 16:10 Format, mat DVI.

A méngem „Lieblingsbutték“ (Hifi International) wosst de Verkeefer och direkt eng kompetent Äntwert op meng Fro ob en DVI-Kabel an der Këscht wir: „Huet dee Schierm en DVI-Uschloss??“.

Well awer tatsächlech e Kabel dobäi woar, hunn ech en direkt digital ugeschloss. Leider krut ech awer nëmmen eng pixeleg Opléisung vun 1024×768 gebueden (also och nach verzerrt). All d’Gefummels mat den X11 Modelines huet och näicht bruecht. Irgendwann hat ech es sat mat de Warnmeldungen (Xorg.0.log) dass 1680×1050 an 1440×900 méi grouss wéi d’BIOS-programméiert Limite vun 1280×1024 wieren.¹ Per klasseschem Analog-Uschloss huet alles op Anhieb geklappt. Trotz D/A-A/D Wandlung ass d’Bild einwandfrei an dat ouni musse manuell nozehëllefen.

D’Bild ass och angenehm hell fir Filmer oder Fotoen ze kucken, mee fir ze Schaffe muss ech d’Hellegkeet sougur op 50% erofregele fir net geblend ze ginn.

Alles an allem sinn ech (bis elo) immens zefridden iwwert dat gutt Geschäft.

¹ Dat kann effektiv eng Aschränkung vu ménger Grafikkoart sinn. An dëser Diskussioun gëtt vun engem ähnleche Problem geschwat deen och eng GeForce 5200 betrëfft. An dobäi hat ech mer extra eng mat DVI kaf fir zukunftssécher ze sinn. Souvill zum technesche Fortschrëtt.

DVD-Ofspillschutz

2006-10-11T22:35:00.000+02:00

Et kënnt wéi et huet misse kommen: grad wéi sou munch Audio-CD kréien och elo DVDen en Ofspillschutz. Mat deem System soll et „onméiglech“ ginn DVDen op engem Computer ofzespillen. Ech fannen dat eng wonnerbar Initiativ déi mech viru finanziellem Ruin bewahrt. Well mäi Widescreen-Notebook huet mer grad rem Loscht ginn méi DVDen ze kucken – an ze kafen!

Mat sou ~~massakréierten~~ geschützten DVDen wäert ech et allerdéngs net anescht man wéi mat kopéiergeschütztenen Muséksscheiwen¹: ech kafen se net. Och wann et mech wuel net viru gréisser technesch Erausfuerderunge géif stellen, sou sinn ech awer net bereed fir en express mannerwertegt Produkt Suen auszeginn.

E klengen Detail vun deem ech awer bis elo nach näicht gelies hunn ass, dass et net onbedingt méiglech ass eng op déi Manéier verkrëppelt DVD vun enger normaler ze ënnerscheeden. Well och eng ganz Rei normal DVDen droen d’Opschrëft „Diese DVD ist kopiergeschützt“, dat allerdings wéinst dem harmlosen an inefficacen CSS. (Oder iren ech mech?)

Sollt dee proposéierten Ofspillschutz wierklech ëmgesat ginn an net speziell gekennzechent ginn, da bléif fir mech just eng Léisung: komplette Verzicht. Mäi Portmonni seet Merci.

¹ Vill Kopéierschutzen verstousse géint de Redbook-Standard an däerfen deementspriechend net als Compact Disc Digital Audio gezeechent ginn!

Giel Tëppelcher

2006-09-29T23:08:00.000+02:00

E Kichelchen fir deen dee mer op Anhieb soe kann wat op där Foto hei ze gesinn ass.

Et ass d’Identifikatiounsmuster dat mäi Foarflaser op all Blat print. Wéi virun e pur Joer rauskoum, hunn déi meescht (all?) Foarflaser-Printer en agebauten Iwwerwaachungsmechanismus. Fir besser kënne géint Geldfälscher virzegoen hunn d’Printerhersteller un d’Häerz geluecht kritt op all gedrécktent Blat d’Seriennummer vum Printer drop ze schreiwen. Dass et net stéiert an op den éischte Bléck net ze erkennen ass, ginn déi Informatiounen als repetitivt gielt Punktemuster geprint.

An effektiv, mam bloussen Aan kann een déi giel-op-wäiss Informatiounen net gesinn. Wann een d’Blat awer mat enger bloer LED beliicht ass de Kontrast vill méi stoark an et kann een d’Muster erkennen. E klengen Test weist och dass déi Punkten net do sinn wann ee schwoarz/wäiss print. Déi Technik schéngt also wierklech op de Kampf géint Geldfälscher zeréckzeféiren ze sinn.

Ech muss awer och soen dass et mech zimlech stéiert dass ech an alle Liewenslagen wéi e potentielle Terrorist oder, ausnamsweis, Geldfälscher behandelt ginn. Oh, Moment, ech liese grad dass et zu ménger eegener Sécherheet ass. Dann ass gutt.

Mee zeréck zu den techneschen Aspekter: an engem relativ interessanten Artikel gëtt och gewisen wéi dat Muster am Fall vun engem Xerox Printer opgebaut ass a wéi eng Informatiounen et enthält. Iwwerhaapt fënnt een um Site vun der Electronic Frontier Foundation vill Informatiounen zu dem Thema.

Well dat Gefummels mat der bloer Luucht net sou extrem praktesch ass, hunn ech et och mol mam Scanner versicht. Am Gimp hunn ech d’Bild an CMY opgespléckt, wat jo logesch ass wann ee giel Informatioune sicht… Nach de Kontrast erhéigen, a scho kënnt dat hei dobäi raus:

Elo stéiert just nach d’Gitter dat ech ursprünglech geprint hat, dass de Fotoapparat besser fokusséiert kritt. Een Haischen ass iwregens 2cm×2cm.

Perl

2006-09-28T23:22:00.000+02:00

Hunn ech op /. fonnt:

''=~('(?{'.('-[@._}'^']))@+]').'"'.
(')})@.^'^'`]^/@|').',$/})')

Dach, éierlech, dat ass Perl.

Update: D’Zeil woar e bëssen ze laang; fir de copy&paste ze vereinfachen hunn ech et opgespléckt.

Säitepräis

2006-09-27T00:29:00.000+02:00

Elo wou ech well e pur Säiten geprint hunn, ass et natirlech interessant en Duerchschnëtts-Säitepräis ze berechnen. Am Webinterface vum Printer hunn ech folgend Informatioune fonnt:

75% Schwaarz iwwreg
85% Cyan iwwreg
86% Magenta iwwreg
85% Giel iwwreg
744 Säiten insgesamt geprint (dovun 568 mat Foarfelementer)

Wann ech vun engem raisonnable Cartouchepräis vu 70€ ausginn¹ a 500 Blieder Pabeier 4€ kaschten, kommen ech op
(0.25+0.15+0.14+0.15)×70/744+4/500 = 0.073€ pro Säit.
Ënnert deene 744 geprintene Säite woaren eng 12–15 Fotoen an A4 Gréisst. Insgesamt sinn ech ganz zefridde mat deem Resultat. Zemols wou Copy Shops bei ca. 3 Cent leien (an dat schwaarz/wäiss!).

¹ Hei am Land éischter ëm déi 100€!?

Pimp my DNS

2006-09-26T20:25:00.000+02:00

Hei e klenge Linux/*BSD-Tipp dee besonnesch fir Konqueror-User vu Bedeitung ass:

Fir e Server am Internet ze kontaktéiren muss de Servernumm als éischt an déi entspriechend IP-Adress ëmgewandelt ginn. Déi Iwwersetzung mécht den Domain Name System. Eréischt wann dat geschitt ass kann de Browser, Mailprogramm oder FTP-Client mam Server Kontakt ophuelen. Eng DNS-Offro ze man kascht awer Zäit an ass oft komplett iwwerflësseg, well déi meescht Serveren hir IP-Adress seele bis ni änneren.

De pdnsd ass e Proxy DNS Server mat permanentem Cache. E Servernumm deen eemol ofgefrot gouf gëtt eng Woch laang gespäichert, sou dass net all Kéiers rem Zäit verschwend gëtt. De Firefox huet en integréierten (net-)permanente Cache a profitéiert deementspriechend kaum bis guer net vun engem systemwäiten DNS-Cache. D’Konqueror-Entwéckler hu sech awer op déi traditionnell Unix-Philosophie baséiert déi beseet dass all Programm eng Saach maache soll an déi gutt. Deemno ass et um System den DNS-Caching global ze iwwerhuelen an et soll net all eenzelne Programm d’Rad nei erfannen.

Hei e klengt Beispill vun zwou sukzessiven Offroe vu Google China:

$ dig google.cn | grep msec
;; Query time: 485 msec
$ dig google.cn | grep msec
;; Query time: 15 msec

Et gesäit ee schéin dass déi zweet Offro vill méi séier ass. Deementspriechend reagéiert de Browser mat dësem Cache méi séier op Mausklicks.

Weider Informatiounen fënnt een op der däitscher Gentoo-Wiki.

Bumm!

2006-09-22T22:58:00.000+02:00

Et schéngt einfach keen Enn ze huele mat Laptops déi explodéiren. Et konnt ee jo nach schmunzelen iwwert de Verbued en Apple oder en Dell mat an de Fliger ze huelen well se andauernd an d’Lut ginn. Mä dass elo och Thinkpads Feier fänken ass einfach nëmmen onerhéiert!

Et ass awer net ausgeschloss dass och an deene Fäll eng Sony-Batterie kéint Schold sinn. Mä d’Mark ass engem séier egal wann ee bis e Lithium-Feier um Schouss huet.

(E grousse Merci un engadget fir d’Informatiounen!)

9/11 — Five years later

2006-09-11T21:32:00.000+02:00

[…] the FBI has no hard evidence connecting Bin Laden to 9/11.
(En FBI Spriecher)

Wéi sou oft bei gréissere weltpoliteschen Ereegnisser tauche fréier oder spéider eng ganz Rei ënnerschiddlech Theorien op, déi erkläre wëlle wat (wierklech) geschitt ass.

Am Fall vun 9/11 ass dat net anescht. No “9/11 truth” google geet dur fir eng Hellewull u méi oder manner verrécktenen Theorien, „Fakten“ an „Tatsaachen“ ze fannen. Wat di Saach an dësem Fall awer vläicht besonnesch pikant mécht ass déi grouss Éierlechkeet déi d’Bush-Regierung bekanntlech an de leschte Joren un den Dag geluecht huet. Wee sech eng Kéier langweilt ka jo mol e Bléck op d’Telepolis-Serie oder op dem Professor Jones säin Artikel geheien. Vläicht sollt een déi Leit jo net ze séier als verréckt ofstemplen.

Biometrie fir den Hard Disk

2006-09-10T13:47:00.000+02:00

Eng vun de gur net mol sou onnëtze Spillereien op de ThinkPads ass den integréierte Fangerofdrocksensor. Zemols op engem Laptop ass et vu grousser Wichtegkeet seng privat a berufflech Daten ofzeséchere géint Déifstal. Bekannterweis hëlleft en normalt BIOS-Passwuert net ganz vill, well ee jo ganz einfach den Hard Disk an en anere Computer abaue kann. (Dovun ofgesinn ass e BIOS-Passwuert am Allgemengen zimlech onsécher.)

Säit e pur Joer kann een awer och en Hard Disk Passwuert festleeën wat am Hard Disk ofgespäichert gëtt (op de Magnéitplacken) an et vill méi schwéier mécht dëse Schutz ze ëmgoen — mee net onméiglech. Fir e wirklech séchere Schutz féiert nach ëmmer kee Wee laanscht eng komplett Verschlësslung vum ganzen Hard Disk (inklusiv Swap-Partitiounen).

De Clou um ThinkPad ass dass een och Fangerofdréck registréire kann déi dat Passwuert dann ersetzen. An der Praxis gesäit dat dann sou aus dass een direkt nom BIOS-Logo opgefuerdert gëtt de Fanger ze scannen. Soubal dat gemaach ass gëtt normal gestart. Falls de Fanger eng Kéier net sollt erkannt ginn (Verletzung, Sensor beschiedegt, etc.) kann een nach ëmmer mat Escape en normale Passwuert-Prompt kréien. Dat hëlleft awer nëmme wann een an der Tëschenzäit säi Passwuert net vergiess huet …

Den HDD-Schutz ass iwwregens nach laang net déi eenzeg Funktioun vum Fingerprintreader. E grousse Respekt geet un IBM/Lenovo fir déi exzellent Soft- an Hardware-Integratioun! (En informativen Artikel fënnt een op theregister.co.uk.)

I ♡ trackpoints

2006-09-09T15:16:00.000+02:00

Ech hätt zwar ni geduecht dass ech dat je eng Kéier géif behaapten, mee lo wou ech e ThinkPad hunn, huet et mech schonn intrigéiert firwat souvill Leit op hiren Trackpoint schwiren. Dofir hunn ech mol e bësse méi domat rondrem gespillt. A wat ech e méi benotze wat et mer ëmmer méi kloer gëtt datt et e Feeler woar eng Mini-Laptop-Maus ze kafen. (Gutt dass se nëmmen 9,99€ kascht huet.)

Ee vun de gréisste Virdeeler vum „Nippel“ ass ouni Zweifel dass een d’Hänn ni vum Clavier hiewe muss. Alleng schon den Zäitgewënn well een ni muss bis eriwwer op den Touchpad oder sougur bis op d’Maus ass enorm.

Dobäi kënnt dann nach dass een ni nogräife muss wéi et mat dem Touchpad de Fall ass. An zu gudder Lescht ass den Trackpoint vill méi präzis wéi een et am Ufank menge kéint. Mat e bëssen Übung klappt et da sougur sou gutt dass ee sech wonnert firwat net all Tastatur en integréierten Trackpoint huet. Leider ass de Contraire de Fall: Trackpoints sinn um ausstiewen an d’Auswiel un Notebooks mat Trackpoint gëtt ëmmer méi kleng. Et bleift just ze hoffen dass Lenovo nach laang um Trackoint festhält, zumindest an der ThinkPad-Gamme.

(Photo by shrkflickr.)

Astronomie-Reform

2006-08-24T23:39:00.000+02:00

Mein Vater erklärt mir jeden Sonntag unsere neun — hmm, wéi och ëmmer.

Kubuntu op engem Z60m

2006-08-22T21:00:00.000+02:00

Virun e pur Deeg ass mäin Notebook ukomm. Loscht drop en Notebook ze kafen hat ech am Ufank zwar net wierklech, well een Notebooks jo am allgemengen net sou liicht auserneenhuelen a veränneren oder modifizéire kann, mee ech kéint kaum méi glécklech si wéi mat ménger neier Maschinn.
Et ass e Thinkpad Z60m vun ~~IBM~~ Lenovo. An der Cyberport-Aktioun (déi mëttlererweil leider ofgelaf ass) woaren 1024MiB RAM amplaz vun de standardméissge 512 enthalen: déi zweet 512MiB si „beiliegend“. Dat huet mech awer net ofgeschreckt, an d’Installatioun vum RAM (als éischt opman, dann zouman) wir och net sou schwéier gewiescht, wann net eng vun de 4 Schrauwe geklemmt hätt. Si woar nach e pur Millimeter am Gehais, ass awer net gefall komm. Och e magnéiteschen Tournevis krut se net rausgezunn. Mee soit. Elo huet d’Maschinn 1024MiB RAM déi am Dual Channel Betrieb op ~8GB/s kommen.

Dat wichtegst a Kuerzform:

De 15,4" Widescreen Schierm ass exzellent an net verspigelt.
De Celeron M 1,5 GHz ass vill méi séier wéi ech geduecht hunn, den Hard Disk och.
Et héiert een den Notebook kaum.
~~Ech hun den Touchpad léiwer wéi den Trackpoint.~~ Trackpoints si super! Et muss ee sech just dru winnen :-)
Den Hard Disk Advanced Protection System ass super.
De Fangerofdrocklieser hunn ech nach net probéiert.
Den SD Card-Reader ass praktesch.
E Thinkpad ass robust.
D’ThinkVantage Programmer fir Windows schénge praktesch a sënnvoll ze sinn. Respekt.
Et geet einfach net ouni.

Mee e Computer ouni Linux wir wéineg sënnvoll, an dofir hat ech mech schon am viraus dovun iwwerzeegt dass (quasi) alles ënnerstëtzt gëtt. Eng immens wichteg Quell ass dobäi den exzellenten ThinkWiki. Dee Wiki ass ee vun den Haaptgrënn gewiescht e Thinkpad ze kafen. Meng Recherche schénge gutt gewiescht ze sinn, well knapps hat ech vum Kubuntu geboot a schon huet dat meescht fonktionnéiert. D’Installatioun woar einfach, komfortabel a séier. Besonnesch ervirhiewe wëll ech awer dass Suspend-To-RAM a Suspend-To-Disk perfekt fonktionnéiren an dat ouni Gefummels. De WLAN fonktionnéiert och. (E grousse Merci u mäin Noper dass e mech dat teste gelooss huet …)

Bezuelt hunn ech nëmmen 635€(!) plus Versand (ca. 20€), wat eigentlech kaum ze gleewen ass.

Update: Ech hu keng Sony-Batterie :-)

Fräien Intel 3D Driver

2006-08-10T11:53:00.000+02:00

Intel huet gëscht Linux-Grafikdriveren fir den 965 Express Chipsaz verëffentlecht. Inklusiv Support fir 3D-Grafik. Mee am Géigesaz zu nVidia an ATI, déi nëmmen closed source Driveren ubidden, mécht Intel weider wéi bis elo, an setzt hir Driveren ënnert eng Open Source Lizenz. Si wäerten also demnächst an allen Distributiounen ze fanne sinn a mussen net ëmständlech noinstalléiert oder nokompiléiert ginn.

Et bleift just ze hoffen dass se dee Grafikchip och als Grafikkoart erausbréngen. Da sin ech endlech net méi op nVidia ugewisen. (Den ATI-Driver huet anscheinend nach ëmmer genuch Problemer.)

Méi Detailer iwwert d’Problematik vu Grafikdriver fënnt een op heise.de.

Spritverbrauch vu Klimaanlagen

2006-07-26T14:13:00.000+02:00

Bei den aktuellen Temperaturen (verschidde Leit nennen dat jo „schéint“ Wieder!?) kéint ee sech jo mol d’Fro stelle em wéivill d’Autosklimaanlag de Bensinsverbrauch erhéigt. Wann ech soe „bis zu 5,7l/100km“, denkt ee vläicht als éischt un irgend e schwéire Luxusschlitt mat iwwerdriwwener Ausstattung. A Wierklechkeet ass et awer den erschreckende Wert vun engem Ford Fiesta.

Weider Detailer fënnt een an dësem interessanten Artikel zu enger plusminus-Sendung.

LaTeX-Schrëften

2006-07-25T11:46:00.000+02:00

Dass LaTeX net nëmme seng eege Computer Modern-Schrëfte benotze kann ass jo bekannt. Et ginn eng ganz Rei Packages fir d’Textschrëften ze änneren. Méi kriddleg gëtt et allerdings wann een och wëll d’Mathésschrëfte wiesselen. An der Free Math Font Survey ginn eng ganz Rei interessant Alternativen virgestallt déi et sech lount eng Kéier auszeprobéiren.

Kappwéi

2006-07-24T21:31:00.000+02:00

… kréien ech alleng scho beim Gedanken op engem Notebook ze schaffe mat blénkegem Schierm. Wéi ech haut awer alt erem festgestallt hunn schéngen anstänneg, wëll heesche matt, Schiermer um Ausstiewen ze sinn.

Dofir e klengen Hiweis un d’Computerindustrie: Ech si ganz frou dass der verhënnere wëllt dass déi béis Hacker meng Passwierder ausspionéiren andeems se mer iwwert d’Schëller luussen. Mee wir et net méi einfach (a méi bëlleg) e klenge Rëckspigel op de Bord vum Display ze pechen, amplaz e 15" grousse Spigel anzesetzen? Dann hätt ech och ëmmer alles am Bléck, an ech kéint sougur tatsächlech um Notebook schaffen.

Elo awer mol seriö. Ech hu mëttlererweil erausfonnt dass d’glossy displays tatsächlech och solle Virdeeler hunn, besonnesch wann d’Sonn direkt op de Schierm schéngt. Meeschtens sëtzen ech allerdings net op enger Parkbänk oder enger Terrass wann ech schaffe wëll. An an zouene Reim, wéi a Computerbuttécker, fällt mer da virun allem eppes op: iwwerall blénkt a reflektéiert et a vu lauter Geliits erkennt ee bal net méi wat iwwerhaapt um Schierm geschriwwe steet. Ass dat Fortschrëtt?

Ech hoffe just dass ech net nach muss en Occasiouns-Notebook kafen, nëmme fir deem gröbsten denkbaren Designfeeler aus dem Wee ze goen. Ech schéngen iwwregens net den eenzegen ze sinn deen et einfach nëmmen topesch fënnt.

Online CAS

2006-07-20T15:01:00.000+02:00

Maxima ass e Computer Algebra System deen ënnert der GPL entwéckelt gëtt. Als grafesche Frontend fir dëse Kommandozeileprogramm bitt sech de WxMaxima un. Ween allerdings nëmmen heiansdo eng Klengechkeet ze rechnen huet kann elo och grad sou gutt op e Web Frontend zeréckgräifen deen ënnert math.msarnoff.org ze fannen ass. Eng mathematesch Palette erliichtert engem d’Aginn vun de Rechnungen. Standardméisseg ginn d’Resultater a beschter TeX-Qualitéit ugewisen, et kann een awer och de Maxima oder TeX Code uweise loossen.

HP Color Laserjet 2605dn

2006-07-20T13:44:00.000+02:00

Virun e pur Deeg ass mäin neie Printer ukomm: en HP Color Laserjet 2605dn. Aus enger ganzer Rei Grënn hat ech mäin alen Tënteprinter (HP Deskjet 920c) sat: e woar lues, d’Qualitéit op Standard-Pabeier woar schlecht an en hat e risegen ënneschte Rand deen net konnt beprint ginn.

Den 2605dn ass de bëllegsten Netzwierkprinter vun HP dee voll Linux-kompatibel ass (Driver vun HP selwer!). Bis elo kann ech e just recommandéiren. Nodeems ech eng ganz Rei Transportsécherungen rausoperéiert hat, konnt ech lassleeën. Den éischte Printout woar allerdings enttäuschend: déi véier Foarwen woaren net alignéiert (Ofweechunge bis zu 0,5mm!). No enger Kalibréirung woar dee Problem awer behuewen an d’Printqualitéit huet iwwerzeecht. Wann e bis am gaangen ass mat printen ass e relativ séier (wat dat och ëmmer heescht), an d’Qualitéit, zemols vun Text, ass phänomenal. En Hoken deen eigentlech quasi all Laserprinter huet ass d’Zäit déi e brauch fir d’Rasterdaten ze berechnen. Bei komplexen Dokumenter mat héichopléisende Biller kann dat schon mol iwwert eng Minutt daueren. Mee an deene Fäll muss een dat fairerweis vergläiche mat de Fotoprintzäiten déi en Tëntesprutzer brauch, an déi sinn och net grad kuerz.

Problemer hat ech bis elo just mat der integréierter Duplexeenheet. Am OpenOffice klappt et problemlos, am Adobe Reader net, an de KPDF wëll se ëmmer benotzen – géint mäi Wëllen. (Jo, ech hunn d’Astellunge kontrolléiert.) De KPDF-Problem kéint eventuell vum Gentoo-Poppler-Patch kommen. Dat muss ech awer nach ënnersichen. Fir de Moment printen ech PDFen also mam KGhostView oder mam Adobe Reader.

Alles an allem schéngt et awer den ideale Printer ze si fir Linux-User déi e gewësse Print-Volumen hunn. Méi ausféierlech Testberichter fënnt ee bei vnunet.com an IT Reviews. Bestallt hunn ech dat gutt Stéck bei Pixmania.lu fir 432€ (+9,90 Versand). Allerdings sinn ech gur net glécklech iwwert d’Tatsaach dass hir Wëllkomm-Mail mäi Passwuert am Kloertext enthalen huet. En SSL/TLS-Login sicht een och vergebens. Wéinstens ass de Präis immens gënschteg.

LaTeX vs OpenOffice Writer vs Scribus

2006-07-18T15:21:00.000+02:00

Dëse klenge Verglach soll den Ënnerscheed weisen tëscht exzellenten Textëmbrochalgorithmen (LaTeX) engersäits a brauchbaren (Scribus) respektiv schappegen (Writer, Word) anerersäits. Dofir hunn ech dräi kleng Test-PDFe präparéiert (PDF1, PDF2, PDF3). Fir ze vergläichen kann een déi dräi Dateien a separate Vieweren opzeman, jeweils Fit Page oder Fit Width astellen an dann mat Alt-Tab hin an hir wiesselen. Nach besser ass et natirlech déi dräi Dateien op engem anstännege Printer ze printen. Ech mengen et misst relativ séier kloer ginn wéi eng Datei déi typografesch bescht ass a wou d’Haaptënnerscheeder leien.

Iwwregens, den Text ass den Ufank vum Kleist séngem Michael Kohlhaas. Ech hunn eppes Däitsches gewielt, well déi relativ laang Wierder d’Opdeelung an Zeilen méi schwiereg misst man. Fir fair ze bleiwen ass de Layout all Kéiers identesch agestallt, och wann et onerklärlech Ofweichungen am Resultat ginn. D’Schrëft ass d’Latin Modern a Gréisst 10.

Ech konnt leider keng Testdatei am Word man (hunn dee Programm net, a wëll en och net). Trotzdem weess ech dass deen déi selwescht elementar Algorithme benotzt wéi den OpenOffice, an d’Resultat grad sou schlecht ass. Et ass traureg dass ee verschiddene Bicher schon um Zeilenëmbroch ofgesäit dass se am Word entstane sinn.

Genuine Microsoft Windows

2006-07-01T19:42:00.000+02:00

Ech sollt DirectX 8 op en ale Laptop mat (legalem virinstalléierte) Windows 98 drop setzen. Daje alt hunn ech mer geduecht, dat ka jo net schwéier sinn. Dee Laptop kann ech net direkt un d’Internet uschléissen also lueden ech den DirectX ënner Linux erof an transferéiren en um USB Stick.

Op microsoft.com fannen ech och séier wat ech brauch: DirectX 8.1 fir Windows98. Mee do heescht et dann "Validation Required. This download is available to customers running genuine Microsoft Windows. Please click the Continue button to begin Windows validation." Dass dat ënner Linux schwéierlech klappe kann ass kloer. Also muss ech google fir eng Säit ze fanne wou et den DirectX erofzeluede gëtt.
De Comble ass allerdings dass et do e Link gëtt op e Microsoft Download-Server. An dat klappt ouni nerveg Validatioun oder ähnleche Blödsinn!

Firwat Microsoft mengt si missten hir User ëmmer méi schikanéiren ass mer e Rätsel. Ech si frou dass ech säit e pur Joer Windows-fräi sinn.

Wann d’Validation wierklech néideg gewiescht wir, hätt ech dee Programm deen den DirectX verlaangt huet net mol kënnen installéiren. An dat op engem legale Windows.

PDF-Dateie verschaffen

2006-06-23T17:56:00.000+02:00

Wéi jidderee weess ass et eng Doudsënn Word-Dokumenter ze e-mailen wann dat net ausdrécklech erwënscht ass. D’Virdeeler vu PDF-Dateie sinn hoffentlech bekannt. Heiansdo stellt sech dann awer d’Fro, wéi een déi Dateie weiderverschaffe kann. Iwwer d’Joren hunn ech e pur nëtzlech Programmer kennegeléiert.

De PDF Toolkit (pdftk) ass de wuel wichtegste Programm: et ass eng virtuell Agrafeuse mat där ee Säiten aus PDF-Dokumenter beliebeg zu neie PDFe kombinéiren kann. Uwendungsméiglechkeeten: Annexen un e Rapport drunhänken; am OpenOffice Draw en Deckblat fir e pdflatex-Dokument man.

Net ze ënnerschätzen: pdfjam. Domat kann een PDFen ëm 90° dréien oder e pur Säiten op eng man (ähnlech wéi mam psnup fir Postscript-Dateien).

A verschiddene Grafikprogrammer kann een EPS-Dateien afügen, awer keng PDFen. Dee Problem ass awer séier geléist: mat pdftops (gehéiert zu Poppler/xpdf) oder pdf2ps a PS ëmwandelen, an duerno mam ps2epsi eng EPS-Datei erstellen.

Mam pstoedit kann ee PDFen deelweis editéierbar man. Zum Beispill kann een eng PDF an eng SVG-Datei ëmwandelen an dann am Inkscape eng Vektorgrafik erausplécken. Dat ass allerdings alles anescht wéi zouverlässeg.

Zu gudder Lescht nach e bëllegen Hack: wann een eppes op eng PDF bäimole wëll (z.B. am OOo Draw), kann ee sech hëllefen andeems een d’PDF am Gimp opmécht, 300dpi astellt, copy, an den OOo Draw pasten.

Erwuessenesëcherung

2006-06-05T15:35:00.000+02:00

D’Kannersëcherung an engem Auto kënnt jo wuel jiddereen. Mee wa Kanner aus dem Auto fale kënnen, kéinten Erwuessener jo vläicht och erausfalen. Sou oder sou ähnlech schéngen d’Iwwerleeunge vu Peugeot gewiescht sinn wou se den 206 entwéckelt hunn: déi hënnescht Dire loosse sech réicht vu bannen opman wann de Chauffer oder de Bäifuerer seng Dir opgemaach huet.
An der Beschreiwung hunn ech op den éischte Bléck näicht doriwwer fonnt. Wann d’Kannersëcherung aktiv ass kritt een d’Dire gur net méi vu bannen op (sou wéi dat soll sinn). Mee dass se sougur gespoart bleiwen wann d’Kannersëcherung deaktivéiert ass, dat nervt!

Ech hoffe just dass dat e Bug ass, a kee Feature. Jiddefalls wäert ech dat beim nächste Besuch an der Garage mol uschwätzen.

ISO/IEC DIS 26300

2006-05-09T19:37:00.000+02:00

Kierzlech sinn d’OpenDocument Dateiformater¹ vun der ISO offiziell unerkannt ginn. Och wann et op iso.org heescht si wiren nach “under development”, sou ass dat awer e grousse Fortschrëtt. Elo muss just nach d’EU diktéiren dass dat EU-internt Standard-Format an Zukunft OpenDocument heescht, da wire mer e grousse Schrëtt weider an der Eliminatioun vun ondokumentéierten an onbrauchbare Formater wéi dem Word säi .doc. E bëssen Hoffnung hunn ech sougur, d’EU hält di Saach nämlech genee am Aa.

¹Fir et kuerz ze man: dat ass d’Standarddateiformat vum OpenOffice a vum KOffice.

Lëtzebuerger Geschäftswelt

2006-04-28T17:27:00.000+02:00

Soulues verstinn ech firwat d’Lëtzebuerger Geschäftswelt sou eng grouss Angscht virum noen Ausland huet. Am September 2005 hunn ech mer am Geschäft X an der Stad eng automatesch Swatch kaf. Si hat allerdings de Problem dass se 31 Sekonnen pro Dag vir gaangen ass, wat dann awer e bësse vill ass. An der Garantie steet och dass een se kéint areechen a regléire loossen. Enn Februar hunn ech se also zeréck gedroen. Mee well d’Auren just de 15. rausginn huet et schliesslech e Mount gedauert bis ech ugeruff krut meng Auer wir rem do.

„Meng“ Auer? Nee, e méi neie, mee doudellene Modell. Ech hunn dat natirlech refuséiert. Si hu mer ugebueden eng aner Auer aus hirer Vitrine ze huelen, mee sou eng super Auswiel haten se och net. Also wollt ech vu mengem Recht gebrauch man d’Suen remzefroen (well se jo net an der Lag woaren d’mise en conformité auszeféiren). Dat ass refuséiert ginn; ech kréich allefalls eng note de crédit. (An domat wir ech da gezwongen all Ablack mol bei hinne ranzesprangen ob se net zoufälleg e Modell hunn dee mer einegermoosse gefällt.)

De Grond aus deem d’Auer vu Swatch ersat gouf ass dass se anscheinend net méi ze kréie wir. Ausser wuel am Auchan. Oder zu Tréier. Oder ob honnert aner Plazen. Dofir wollt ech meng Sue jo och zeréck, fir mer se nei ze kafen. Zu Tréier, am Swatch-Butték, hunn ech dann einfach mol gefrot ob si näicht kéinte man. An zu méngem Erstaunen hunn ech ugebuede kritt dass si mer den Ersatz-Modell géife wiessele géint „mäin“ Modell (deen se nach 4mol haten!). Ech sinn also nach eng Kéier zeréck gefuer a si hu mer déi nei Auer zu hirem aktuelle Verkafspräis ugerechent a mer de gewënschtene Modell rausginn. Ech hunn allerdings missen 10€ Präisënnerscheed bezuelen (well déi „ellen“ bei hinnen och nach méi bëlleg woar wéi bei X). Mee dofir krut ech sougur en neie Garantie-Certificat deen rem 2 Joer gülteg ass.

Ech weess jiddefalls wéi e Butték ech wierklech recommandéire kann wann et em Swatch-Aure geet…

Start Me Up

2006-04-14T13:28:00.000+02:00

Dass een ouni VNC net auskënnt ass jo mëttlererweil kloer ;-) Mee déi grouss Fro ass: Wee schalt mer mäi PC an wann ech ënnerwee sinn?

Mat Wake-On-LAN stellt déi Fro sech net. Ech schalten de PC selwer an, iwwert d’Internet wuel gemierkt. Hautdesdags schalten elektresch Geräter sech jo leider net méi vollstänneg aus wann een de Knäppchen dréckt, mee si bleiwen an engem stroumfriessenden Standby-Modus. Mee genau vun deem profitéiert de WOL: d’Netzwierkkoart (respektiv den Onboard-Chip) bleift un a lauert op e „Magic Packet™“ dat just signaliséiert dass de PC soll gestart ginn. (Natirlech gëtt ëmmer nëmmen ee PC ageschalt: deen dem seng MAC am Packet enthalen ass.) Et muss ee just kucken dass dee Magic Packet net am Router hänke bleift, mee op deen Detail ginn ech net weider an.

E klengen Hoken huet déi Saach allerdings schon: et muss een d’IP-Adress vum Computer kennen deen ee starte wëll. An e PC deen aus ass huet am Normalfall keng Internet-gülteg IP-Adress… Viraussetzung ass also en ADSL-Modem mat integréiertem Router deen dauernd online bleift och wann de PC aus ass. Dat ass hautesdags awer den Normalfall. Bleift nach ëmmer d’Fro wéi een un d’IP-Adress kënnt. Hei ginn et 2 Méiglechkeeten: déi bescht ass et keeft ee sech e modernen ADSL-Modem, deen integréierte Support fir „Dynamic DNS“-Déngschter (z.B. No-IP, DynDNS) huet. Dann huet de Router ëmmer en Internet-gültegen Hostname, wéi z.B. (fiktiv!) tuxophil.no-ip.com.

Den zweete Fall ass leider net sou elegant: wann de Router dat net ënnerstëtzt bleift näicht anescht iwwreg wéi sech d’IP-Adress vum Router op e Blat ze schreiwen. Ech si leider an deem Fall, a kucke lo mol op mäin ISP net zoufälleg all x Stonnen/Deeg d’Verbindung trennt a mer eng nei IP zouweist.

Net dass ech nach gezwonge sinn méngem ISP säi ganzen Address Space mat Magic Packets ze flooden ;-)

Update: Hmm, 3. Méiglechkeet: et kontrolléiert ee seng No-IP Konfiguratioun. Bis elo huet mäin Hostname ëmmer op 0.0.0.0 gewise wa mäi PC aus woar, mee dat läit net drun dass No-IP en Time-Out hätt, mee den Gentoo Init-Script mécht dat beim Shutdown! Ech hunn déi Zeilen emol geläscht. Elo misst mäin No-IP Hostname ëmmer op déi richteg IP weisen, äusser d’DSL-Verbindung wir getrennt ginn an de PC hätt nach keng Geleeënheet gehat, d’IP ze updaten.

Virtual Network Computing

2006-04-11T20:56:00.000+02:00

VNC erméiglecht d’Iwwerdroe vum Bildschierminhalt op en anere PC. Op déi Manéier kann een op Distanz schaffen. Ech hunn et elo mol rem a Betrieb. An dat direkt duebel:
Éischtens hunn ech de KDE Desktop Sharing lafen. Deen erméiglecht et op Distanz eng lafend Session ze iwwerhuelen. Dat ass ganz praktesch fir Fernwartung oder Tech Support an der Famill. Sou kann ech awer och ganz einfach mäi PC verloossen an ageloggt bleiwen, a vun enzwousch anecht weider schaffen.
Zweetens hunn ech den TightVNC installéiert a loossen deen op enger Rei Ports lauschteren. Sou kann ech mech dann op Distanz aloggen an hunn nach d’Wiel tëscht enger Rei verschiddenen Opléisungen. (All Opléisung huet en anere Port.) Heibäi hunn ech mech gréisstendeels un den HOWTO vum Gentoo Wiki gehalen.
Wann ech d’Qualitéit op de Minimum erofsetzen léist et sech sougur einegermoossen bequem domat schaffen. Et kann allerdings och sinn dass den SSH-Tunneling dat Ganzt zimlech bremst, mee ouni SSH géif ech mech net trouen sou Saachen opzesetzen. Dofir wimmele meng Log-Dateie villzevill mat automatiséierte Viren- an Hackattacken.
Elo muss ech just nach oft genuch vergiesse „wichteg“ Saachen ze erleedegen, sou dass ech e valable Grond hunn domat ze schaffen ;-)

Elo hat ech eppes Wichteges bal vergiess: VNC ass plattformonofhängeg, et gi souwuel Serveren wéi och Clients fir all seriö Plattform.

HDD an Aktioun

2006-02-14T00:14:00.000+01:00

Coole Video. (leider WMV)

(Merci, Raffael)

Das Keyboard Economy Edition

2006-02-01T16:25:00.000+01:00

Haut ass definitiv mäi grousse Blog-Dag…

Där hutt vläicht scho vum „Das Keyboard“ héiren. Wann net kënnt der äerch et jo mol ukucken. Zemols de Präiss.
Méi bëlleg geet et mat enger 5€ Spraydous :-)
Hei ass d’Resultat:

Ech hunn dee Clavier elo säit e pur Deeg am Asaz an ech hunn d’Fangeren nach net schwoarz. Also alles tiptop. Just aner Leit hunn heiansdo e Problem wann se drop tippe sollen ;-D

Update: Fir déi ganz Verréckte gëtt et awer och eng méi opwänneg Method déi ech ärch net virenthale wëll.

Bootdisks

2006-02-01T15:56:00.000+01:00

… NERVEN! Zemols wann ee kee Floppy-Lafwierk huet. Gutt dass et bootfäheg CDe ginn. Hei ass e klengen Tipp wann een rem sou en dämlechen DOS-exklusiv Programm muss lafe loossen deen och nach Schreifzougrëff op d’Diskett verlaangt:
Bei bootdisk.com eng Windows98 Boot Disk eroflueden a mat unzip entpaken. Dann am K3b eng Daten-CD erstelle mam concernéierte Programm. Mee, an dat ass dat wichtegst, et muss een den Disketten-Image als Boot Image konfiguréiren. Domat ass d’CD awer nach ëmmer read-only, oder? Hei den Trick: beim Boote lued een d’Driver fir d’CD-Lafwierk an da kopéiert een de Programm vun der CD op d’RAM-Disk bei d’Utilities. Well d’RAM-Disk kann natirlech beschriwwe ginn (och wann déi Date beim Reboot verluer ginn).

Hard Disk gëtt de Geescht op

2006-02-01T15:18:00.000+01:00

Zumindest huet en eng Onmass defekt Sektoren. Mee HDDen hu jo Reservesektoren a wéi jidderee weess ginn déi defekt Sektoren reallocated soubal een déi Sektoren nei beschreiwt. De SMART seet mer ënnert anerem dat hei:

Reallocated_Sector_Ct   4
Reallocated_Event_Count 5
Current_Pending_Sector  0
Offline_Uncorrectable   5

Mangel u Reservesektoren dierft et also net ginn. Souwäit d’Theorie. Well an der Praxis gesäit dat liicht anescht aus. Ech hunn déi betraffe Partitioun (meng Root-Partitioun) ënnert Knoppix op d’/data Partitioun kopéiert:

dd if=/dev/sda6 of=/mnt/sda3 conv=noerror,sync
# ‘noerror’ a ‘sync’ sinn extrem wichteg!

… an dono gefsckt an rem zeréck geschriwwen. Kee Fehler, also misst den Hard Disk jo beim Liese gemierkt hunn dass eng Rei Sektoren defekt sinn (genuch Liesfehler am dd) a mussen ersat ginn. Mee komescherweis huet en dat net gemaach, well en

dd if=/dev/sda6 of=/dev/null conv=noerror

huet rem déi selwescht Liesproblemer wéi bei der éischter Kéier!

Also hunn ech de Samsung-Testprogramm lafe gelooss. Dee fënnt och eng ganz Rei Problemer a recommandéiert mer (op Engrish) ech sollt d’ERASE HDD Fonktioun probéiren an dono nach eng Kéier testen. Ma merci dann! Elo bleift mer also net vill aneres iwwreg wéi en zweeten HDD ze kafen, alles ze kopéiren, an dann den defekten HDD ersetzen ze loossen.

Wéinstens huet dat de Virdeel dass ech dann déi flott LVM-RAID-Modi probéire kann :-) Zwee Hard Disken kann och mol Virdeeler hunn.

Wann ech allerdings schonn dobäi sinn, wäert ech wahrscheinlech net méi reiserfs benotzen, och wann ech bis elo ganz zefridden domat woar. Dës Mails hu mer nämlech ze denke ginn! (Och wann den Titel wuel liicht, ëhm, iwwerdriwwen ass.)

Hmm, deen Hard Disk huet iwwregens réischt 5 Méint an et ass schonn den drëtten dee mer (an de leschten 7? Joer) ofkraazt. Vläicht ginn 79cm tëscht Subwoofer an Tower awer net dur …

Katzenhirn, Faulebutter a Kuhbier

2006-01-26T19:53:00.000+01:00

… hunn eppes gemeinsam: et sinn Nimm vun däitsche Stiedt. Ech mengen et ass net néideg dat ze kommentéiren :-)

(Merci, doofblog)

Google XMPP Federation

2006-01-18T22:27:00.000+01:00

Oder op Lëtzebuergesch: Google Talk akzeptéiert elo Verbindunge mat externen Jabber-Serveren. Google Talk ass also lo an dat grousst Jabber-Netzwierk integréiert.

(Deemols hat ech mech jo driwwer gëirgert dass se dat net vun Ufank u gemaach hunn.)

21,966 Sekonnen

2006-01-17T22:58:00.000+01:00

am 3. Versuch. Sou, sinn rem ab, spillen.
(Merci, digg)

Tuxophilia

Tuxophilia goes furl

SSH-Abrochsversich

Spaghetti-Récolte virun 51 Joer

Mol rem eng Kéier England

Pendleriwwerwaachung

Gesellschaftsfeindlech Plakater an England

Jiddereen ass Organspender

Succé oder succée?

PISA 2006

Vernetzte Geiger-Zähler

The War on the Unexpected

Xenophobie an der Schwäiz

brave new police state

Eye Tattooing

E Luefgesang op Standarden

Franséisch schreiwen

Pechert 2.0

Eng grandios Iddi...

faule Marketing

Self-referential Aptitude Test

Och Brenner hunn eng Seriennummer...

¡Hasta la vista, Windows!

Stärebestëmmung fir Ufänger

Laïcité à la luxembourgeoise

Gesprengten Autoen

Endlech keng Word-Dokumenter méi verschécken!

Firwat den Zauberstab Zauberstab heescht

Movie Trivia

monarchie.lu

Olympesches

No Censorship on flickr

nassauern

Milk meets Coffee

Layout-Ierger

“Can I race in Indianapolis next Sunday?”

SAY WHAT AGAIN

Echt Kapitälchen

Typographie

E klengen Tableur-Tipp

Den Andy hat et net néideg sech unzeschnallen

Vrooooooooooooooooommmmm

Kino mol anescht

Tafelrechnung mol anescht

Mathé mécht glécklech

Aner Länner, aner Mathé?

Xbox 360 Laptop

Grammaires-Correcteur fir Linux

Interessant Geschäftspraktiken

Jabber User Directory

DSL Upgrade

Ad-hoc mode as cheap Access Point replacement

Endlech — eis Fernseher gi verkrëppelt

Wee Musék online keeft ass selwer schold

A mal B mal C

Das Wort zum Sonntag

Offenblitzmethode

Stroossekonscht

kleng Iddi fir Chrëschtdag

Portabel Programmer

Neies vun OpenDocument an Office Open XML

Bëllegen Toner

Brillianten 1/sqrt(x)

LaTeX Beamer

Optesch Täuschung

De Woody Allen an den Inspector Gadget

kompakten EPS

Ech si krank

22" > 19"

DVD-Ofspillschutz

Giel Tëppelcher

Perl

Säitepräis

Pimp my DNS

Bumm!

9/11 ­— Five years later

Biometrie fir den Hard Disk

I ♡ trackpoints

Astronomie-Reform

Kubuntu op engem Z60m

9/11 — Five years later