Eng Méimaschinn? E Kompressor? En Helikopter?

Nee, just mäi knapp 6 Joer alen Athlon 700. Mee sou e Radau mécht e säit Joren. Méi präzis: den CPU Lüfter mécht bei all Kalstart 30 Sekonne laang en enorme Kaméidi. An dono, naja, et ass auszehalen. Virausgesat et konzentréiert ee sech drop et net ze héiren.

Ech froe mech just firwat ech sou blöd woar dat e pur Joer ze dulden. Virgëscht hunn ech dee Lüfter mol geuelegt. Dat wierkt Wonner. An hei sinn d’Anleitungen op déi ech mech baséiert hunn: Dan’s Data, ZDNet. Fotoen hunn ech leider keng gemaach, ech hat den Apparat net bei Hand. Et ass wierklech ganz einfach an ech kann et nëmme recommandéiren.

Den Ueleg (Huile Fine/Handy oil vun Holts) haten se grad nëmmen an der 250ml Fläsch fir 5€, ween es also gären hätt ka jo laanscht kommen ;-)