Katzenhirn, Faulebutter a Kuhbier

… hunn eppes gemeinsam: et sinn Nimm vun däitsche Stiedt. Ech mengen et ass net néideg dat ze kommentéiren :-)

(Merci, doofblog)

Google XMPP Federation

Oder op Lëtzebuergesch: Google Talk akzeptéiert elo Verbindunge mat externen Jabber-Serveren. Google Talk ass also lo an dat grousst Jabber-Netzwierk integréiert.

(Deemols hat ech mech jo driwwer gëirgert dass se dat net vun Ufank u gemaach hunn.)

21,966 Sekonnen

am 3. Versuch. Sou, sinn rem ab, spillen.
(Merci, digg)

Darik’s Boot and Nuke

Irgendwann kann een och mam eelste Computer net méi vill gescheites ufänken an da stellt sech natirlech d’Fro wéi een den HDD am Beschte läscht. Alleng mat GNU/Linux Bordmëttelen ass et scho relativ einfach e pur HDDen simultan ze iwwerschreiwen:

for i in /dev/{s,h}d?; do dd if=/dev/zero of=/dev/$i bs=1M & done

Dat huet allerdings den Nodeel dass just mat Nullen iwwerschriwwe gëtt. Wann een /dev/urandom amplaz vum /dev/zero hëlt brauch ee masseg Gedold, well de Kernel net nokënnt mat Zoufallsdate liwweren. Da kënnt nach de Problem dass den neiste Knoppix net (ouni Problemer) op PCe ka benotzt ginn déi net vun CD boote kënnen.
All deene Problemer kann ee relativ einfach aus de Féiss goen mam DBAN. Bootdisk (oder Boot-CD) erstellen, aleeën, nei booten. Et huet een de Choix tëscht e pur Läschmethoden, wouvunner déi sënnvollst wahrscheinlech eemolegt Iwwerschreiwen duerch Pseudozoufallsdaten ass. DBAN fënnt d’Hard Disker automatesch a suergt och dofir dass déi verfügbar Bandwidth beschtméiglech ausgenotzt gëtt.
A wann een fäerdeg ass, net vergiessen den DBAN rem ze läschen, et wëll ee jo net eng Kéier irtümlecherweis iwwert sou eppes booten…

BIOS geflasht

… an d’Maschinn huet et iwwerlieft. Et huet mech nämlech genervt dass op méngem wonnerbaren Athlon64 de Cool’n’Quiet net gaangen ass:

Found 1 AMD Athlon 64 / Opteron processors (version 1.50.4)
BIOS error - no PSB or ACPI _PSS objects
(aus der syslog)

Mee dat ass net dat eenzegt. Ënner anerem déi hei Saachen hu mer wichteg geschéngt:

BIOS 2.4:

• Recalibrate CPU temperature.
• System now can resume from S3 without problem.

BIOS 2.2:

• Cool n' Quiet now works as intended.

Da wir just nach déi Klengechkeet dass ech kee Floppy hunn. Mee dofir ginn et jo bootfäheg CDen. Ganz geheier woar et mer allerdéngs net. (Ëmmerhinn kéint ech schlëmmstefalls herno e Stéck Elektroschrott méi am Haus hunn.)

Et huet awer alles tiptop geklappt, a gehollef huet et och:

Found 1 AMD Athlon 64 / Opteron processors (version 1.50.4)
    0 : fid 0xa (1800 MHz), vid 0x6 (1400 mV)
    1 : fid 0x2 (1000 MHz), vid 0x12 (1100 mV)

An hei de Beweis dass et och tatsächlech fonktionnéiert:

$ cd /sys/devices/system/cpu/cpu0/cpufreq/
$ cat scaling_available_frequencies
1800000 1000000
$ cat scaling_cur_freq
1000000
$ cat stats/time_in_state
1800000 24572
1000000 112155

Eng Méimaschinn? E Kompressor? En Helikopter?

Nee, just mäi knapp 6 Joer alen Athlon 700. Mee sou e Radau mécht e säit Joren. Méi präzis: den CPU Lüfter mécht bei all Kalstart 30 Sekonne laang en enorme Kaméidi. An dono, naja, et ass auszehalen. Virausgesat et konzentréiert ee sech drop et net ze héiren.

Ech froe mech just firwat ech sou blöd woar dat e pur Joer ze dulden. Virgëscht hunn ech dee Lüfter mol geuelegt. Dat wierkt Wonner. An hei sinn d’Anleitungen op déi ech mech baséiert hunn: Dan’s Data, ZDNet. Fotoen hunn ech leider keng gemaach, ech hat den Apparat net bei Hand. Et ass wierklech ganz einfach an ech kann et nëmme recommandéiren.

Den Ueleg (Huile Fine/Handy oil vun Holts) haten se grad nëmmen an der 250ml Fläsch fir 5€, ween es also gären hätt ka jo laanscht kommen ;-)

DSDT Hacking

Nee, dat mam Opginn aus dem leschte Posting woar natirlech nëmmen e Witz ;-) Ëmmerhinn kann ee jo nach un der DSDT frëckelen. Dat hunn ech natirlech och misse versichen. Den HOWTO Fix Common ACPI Problems an de Linux ACPI Howto sinn dobäi ganz hëllefräich. Fir et kuerz ze man:

emerge iasl  # Intel Compiler installéiren
cat /proc/acpi/dsdt > dsdt.dat # DSDT ausliesen
iasl -d dsdt.dat  # Disassembléiren
iasl -tc dsdt.dsl  # Recompiléiren

An dat hei ass d’Resultat:

Intel ACPI Component Architecture
ASL Optimizing Compiler / AML Disassembler version 20050513 [Jan  4 2006]
Copyright (C) 2000 - 2005 Intel Corporation
Supports ACPI Specification Revision 3.0

dsdt.dsl  1820:                 Field (U1D3, WordAcc, NoLock, Preserve)
Error    1047 -                           ^ Access width is greater than region size

dsdt.dsl  1822:                     UR49,   3
Error    1051 -                        ^ Access width of Field Unit extends beyond region limit

dsdt.dsl  1826:                 Field (UBP1, WordAcc, NoLock, Preserve)
Error    1047 -                           ^ Access width is greater than region size

dsdt.dsl  1828:                     U1PE,   2
Error    1051 -                        ^ Access width of Field Unit extends beyond region limit

dsdt.dsl  1861:                 Field (UBP2, WordAcc, NoLock, Preserve)
Error    1047 -                           ^ Access width is greater than region size

dsdt.dsl  1863:                     U2PE,   2
Error    1051 -                        ^ Access width of Field Unit extends beyond region limit

dsdt.dsl  1889:                 Field (UBP3, WordAcc, NoLock, Preserve)
Error    1047 -                           ^ Access width is greater than region size

dsdt.dsl  1891:                     U3PE,   2
Error    1051 -                        ^ Access width of Field Unit extends beyond region limit

dsdt.dsl  1917:                 Field (UBP4, WordAcc, NoLock, Preserve)
Error    1047 -                           ^ Access width is greater than region size

dsdt.dsl  1919:                     U4PE,   2
Error    1051 -                        ^ Access width of Field Unit extends beyond region limit

dsdt.dsl  2803:                 Method (STM, 0, Serialized)
Warning  2019 -                           ^ Not all control paths return a value (STM_)

dsdt.dsl  3246:     Method (_WAK, 1, NotSerialized)
Warning  2026 -                ^ Reserved method must return a value (_WAK)

ASL Input:  dsdt.dsl - 3362 lines, 100645 bytes, 1269 keywords
Compilation complete. 10 Errors, 2 Warnings, 0 Remarks, 420 Optimizations

Hëppla. Mee wéi ech séier festgestallt hunn, ënner anerem well ech d’Syntax an der ACPI 1.0b Spezifikatioun noschloen konnt, sinn déi meescht Feeler relativ einfach ze behiewen. Am Quellcode hunn ech déi folgend Zeilen:

OperationRegion (U1D3, PCI_Config, 0x49, 0x01)
Field (U1D3, WordAcc, NoLock, Preserve)
{
 UR49,   3
}

Mat OperationRegion seet een op wéienge Bytes ee schaffe wëll, an dësem Fall um Block 0x49 bis 0x49+0x01. Do hu mer e Bit Field wou mer déi 3 éischt Bits UR49 nennen. Mee den Hoken ass dass ëmmer nëmme ganz Words gelies/geschriwwe ginn (WordAcc). Dowéinst muss een als Längt vun der Region 0x02 uginn (1 Word = 2 Byte), an net 0x01. Well de Standard seet nämlech:

For example, an access type of WordAcc cannot read the last byte of an odd-length operation region.

Super, sou wéi d’Leit vun MSI programméiert hunn däerf e konformen ACPI Interpreter d’Field UR49 weder liesen nach schreiwen!

Fir déi zweet Warnung (Zeil 3246) hunn ech einfach um Enn Return(Package(0x02){0x00,0x00}) agefügt. (Méi Detailer wat _WAK returne soll fënnt een an der ACPI-Dok.)

Endlech hat ech eng Datei déi ech problemlos kompiléire konnt (bis op déi éischt Warnung, mee ech mengen déi ass net sou wëll). Dono just nach an de Kernel akompiléiren a rebooten. Naja, direkt nom WakeUp huet en rem reboot. Et huet also alles näicht gedingt. Dat ass iwwregens och d’Resultat dat aner Leit haten, wéi dëse Thread op der LKML weist. An engem anere Thread ass och net vill méi eraus komm.

Interessant woar et trotzdem.

S3-Problemer

Wee scho mol mat Power Management ënner Linux ze dinn huet, weess wuel ëm wat et geet: Suspend-To-RAM, STR ofgekierzt. Am ACPI Jargon ass et de Sleep State S3 (S1 ass Standby, S4 Suspend-To-Disk, S5 Soft-off). Gëschter hat ech näicht besseres ze dinn wéi ze probéiren den S3 op engem 3 Joer ale PC (MSI KT4 Ultra, Athlon XP 1800+) un d’Goen ze kréien. Naiv wéi ech sinn hunn ech et ouni weider Präparatioune probéiert mat echo mem > /sys/power/state. De System huet sech ausgeschalt. Oder sou huet et ausgesinn. Well beim Ëmkucken am BIOS Setup hunn ech bemierkt hunn dass ech als éischt mol e WakeUp Event definéire muss. Dono ass en dann och tatsächlech rem wakreg ginn soubal ech e Knäppchen um Keyboard gedréckt hunn. Leider huet en dann awer normal geboot. Dat woar kee vu ménge Computer, dofir woar tatsächlech nach e kaum genotzte Windows 2000 drop. „Selbstverständlech“ ass den S3 do gaangen. Ech woar relativ begeeschtert (ech hat nach nie S3 an Aktioun gesinn): de PC huet sech scheinbar komplett ausgeschalt, kee Lüfter, kee Lafwierk, einfach nëmmen näicht. An trotzdem woar en no 2 Sekonne rem komplett wakreg.

Dat huet mer natirlech keng Rou gelooss. Also en neie Kernel compiléiert ouni irgendeppes (weder USB, nach AGP, nach Sound, nach CD-ROM). Sou minimalistesch wéi et méiglech woar. Keen Erfolleg. Och mam hibernate-Script (vum Suspend2 Projet) hat ech keen Erfolleg. Nodeems ech dann eng 20 „Crashes“ hannert mer hat (also Suspend ouni Resume, direkt Reboot) hunn ech schlussendlech opginn.

Wat ech awer och bäigeléiert hunn ass dass oft ACPI Problemer op eng fehlerhaft DSDT zeréckzeféire sinn. DSDT ass spezielle Bytecode dee vum OS interpretéiert gëtt. A wou kënnt e vill benotzten Compiler hir fir de Bytecode ze generéiren? Redmond. Et ass durgaang e Blëck an d’syslog ze geheien fir ze gesinn dass och dësem PC seng DSDT de String MSFT enthält. Déi fehlerhaft DSDTe sinn natirlech gur kee Problem, schliesslech gëtt Windows jo tiptop eens domat… An da wonnert ee sech dass Power Management ënner Linux oft mat Problemer verbonnen ass. (Ech soen allerdings elo net dass an dësem spezielle Fall MSFT schold drunn ass dass et net klappt.) Ajo, et gëtt och e vill méi strikte Compiler vun Intel, deen niewebäi och méi klenge Code generéiert, mee firwat sollt e Mainboard-Hersteller sech mat sou eppes ploen?

Ech si mol gespaant wéi gutt oder manner gutt dat op méngem Athlon64 doheem klappt.

Vista an DVD-Playback

Ech hu misse schmunzele wou ech op Slashdot gelies hunn dass Vista refuséiert DVDen ofzespille wann een e Lafwierk huet wat de Region Code net an Hardware controlléiert (also RPC-1, am Géigesaz zu RPC-2). A méngem ale PC hunn ech en NEC DVD-ROM mat gehacktener Firmware. Awer net sou e banalen Aus-RPC2-maach-RPC1-Hack: mäi Lafwierk ass nach RPC-2, mee no all Wiessel setzt et de Counter rem zeréck op 4 méiglech Ännerungen. Dat ass dach mol genial :-) Et ass scho bal schued dass ech dat schonn éiweg net méi hu missen ausnotzen: All déi gängeg FOSS DVD-Player knacken CSS a Region Code souwisou ganz a Software, et huet een also nie e Problem mat deem ganzen DRM-Dreck op DVDen. (Ausser dass et illegal ass DVDen ënner Linux ze kucken.)